يا بنت ياللي لابسه عقد الالماس ... لا تلحقيني لوم دونك ذيابه

	المشاركة الأصلية كتبت بواسطة ابراهيم محمد السليمي

	يابنت ياللي لابسه عقد الالماس = لاتلحقيني لوم دونك ذيابه ودي ولكن وش اسوي بها الناس = يمكن على شأنك تقوم انقلابه صحيح احبك حب وافي على ساس = مير الليالي ماوراها طلابه كم فرقت غالي وكم غيبت راس = وكم سببت جرحن عطيب مصابه واليوم ثار كليب مع روح جساس = وش حيلتي وانا عليه رقابه لاني بلا واشى ولاني ببلاس = اخاف رب الكون واحسب حسابه عفه ومحشومه عن دروب الادناس = لكنه امرن ربي اللي مضا به يلج في صدري من الغبن هوجاس = علمن بوسط القلب محدن درابه اخفيه واخذ مع طواريه مرواس = ويصورك بين القلم والكتابه حبك بحر مايقربه كل غطاس = وحبك مرادن سعد من هو شقابه والله مالك بالبشر وصف واجناس = هذي حقيقه والمعاني تشابه لكن عليك الهون لاباس لاباس = خلك يالين الجو يصفى ضبابه

................................................
صح لسانك وبيض الله وجهك
اخوي الشاعر براهيم ابدعت بهذه الرائعه
والابداع لايستغرب من اهل الابداع ..لله درك

تحياتي وتقديري لك