محاورة عبدالرحمن خضير وابن مدعث

عبدالرحمن خضير

انته يا بن مدعث شاعر ولا يحتاج=لو قال عبدالله لا تهمـك اعلومـه
دور لها مخرج دور لها مخـراج=ولي تحلم حلم من فسر احلومـه

ابن مدعث

ما لحقت الشكه شعري تقول امواج= والبحر يا صحيبي ناصحك لا تعومة
واللي مابه مخراج القى معه مدراج= واللي توهم حلم ما فسر اوهومه

عبدالرحمن خضير

لبستهـا لؤلـؤ لبستهـا ديبـاج=وان عافتك قلنا ماهـي بمقسومـه
ترى السباع سباع يومن عاج نعاج=نص الفرق تلعب لكـن مهزومـه

ابن مدعث

لا تضيع بالظلمى وانته ما معك سراج=واللي متنغانا من العز محرومه
وش شفت في مكه بالحج ياحجاج= حجتك يا صحيبي عوجا ومثلومه

[/poem]
عبدالرحمن خضير

الكابتن الماهر شلع علـى الميـراج=واللي به اللنه طاحت بـه عزومـه
انا عطيتك علم يشبه لعظـم العـاج=وهرجتك عكس الناس قشرا وملغومه

ابن مدعث

يا طيريا حايم لا تصدم الابراج =لا تنفخ برطمك وشفاك مشرومه
قدامك الاسياج وخر عن الاسياج=وترى الحقيقه هيه احيان معدومه

عبدالرحمن خضير

اللي معك بندق منته بوياء افواج=ونام المسكين ما يهتنـي بنومـه
موترك متبهذل من رجت المطناج=ونته يا بن مدعث لحيتك محشومه

ابن مدعث

خابرك يا ابن خضير متداني الاحراج = ما ينام راعي العين والعين مسقومه
ياصاحب الموتر دخن معاك الصاج = العافيه زينة يا صاحب الزومه

عبدالرحمن خضير

دخل بقلبك شك والشك ماله علاج=وعن الخطا نفسك ماهي بمعصومه
النضره العوجه من فكرك المنعاج=جلست ولا قمت ماتنفـع القومـه

ابن مدعث

انا مافيه شك يا مكذب الهراج =لوهرجتة زينة تقول مشؤو مه
السلعة الشينة امراية الانتاج = والا انت مع جملة صبيان محكومة