انته يا بن مدعث شاعر ولا يحتاج=لو قال عبدالله لا تهمـك اعلومـه
دور لها مخرج دور لها مخـراج=ولي تحلم حلم من فسر احلومـه

ما لحقت الشكه شعري تقول امواج= والبحر يا صحيبي ناصحك لا تعومة
واللي مابه مخراج القى معه مدراج= واللي توهم حلم ما فسر اوهومه

لبستهـا لؤلـؤ لبستهـا ديبـاج=وان عافتك قلنا ماهـي بمقسومـه
ترى السباع سباع يومن عاج نعاج=نص الفرق تلعب لكـن مهزومـه

لا تضيع بالظلمى وانته ما معك سراج=واللي متنغانا من العز محرومه
وش شفت في مكه بالحج ياحجاج= حجتك يا صحيبي عوجا ومثلومه

الكابتن الماهر شلع علـى الميـراج=واللي به اللنه طاحت بـه عزومـه
انا عطيتك علم يشبه لعظـم العـاج=وهرجتك عكس الناس قشرا وملغومه

يا طيريا حايم لا تصدم الابراج =لا تنفخ برطمك وشفاك مشرومه
قدامك الاسياج وخر عن الاسياج=وترى الحقيقه هيه احيان معدومه

اللي معك بندق منته بوياء افواج=ونام المسكين ما يهتنـي بنومـه
موترك متبهذل من رجت المطناج=ونته يا بن مدعث لحيتك محشومه

خابرك يا ابن خضير متداني الاحراج = ما ينام راعي العين والعين مسقومه
ياصاحب الموتر دخن معاك الصاج = العافيه زينة يا صاحب الزومه

دخل بقلبك شك والشك ماله علاج=وعن الخطا نفسك ماهي بمعصومه
النضره العوجه من فكرك المنعاج=جلست ولا قمت ماتنفـع القومـه

انا مافيه شك يا مكذب الهراج =لوهرجتة زينة تقول مشؤو مه
السلعة الشينة امراية الانتاج = والا انت مع جملة صبيان محكومة

المشاركة الأصلية كتبت بواسطة البلادي الحربي (المشاركة 337253) صح لسانك ولسان زميلك لاهنت الله يعطيك العافيه وبيض الله وجهك

المشاركة الأصلية كتبت بواسطة الحب الباقي (المشاركة 343916) لاهنت الله يعطيك العافيه وصح لسانك يالذيب

المشاركة الأصلية كتبت بواسطة ابوزياد (المشاركة 348285) صح لسااااااانك وأعتلا شااانك الله يعطيك العافيه تقبل تحياتي