ديوان الشاعر \ نافع الحربي

[IMG]https://www2.0zz0.com/2025/08/31/20/374338125.jpg[/IMG]

يابو بدر ان كان تنشد عن غنيم

غنيم عقب الريف علطٍ ركونه

الله يغيثه بمرزماتٍ من الغيم

حتى يقوم بواجب اللي يجونه

غيثٍ من القبلة خياله مراديم

والبرق يبرق في مثاني مزونه

عهدي بها مفلا الجوازي من الريم

ومشتا لمنهم بالشتى ينزلونه

يوم البدو مابين رحّال ومقيم

وبيت الشعر ماحطو السور دونه

نعم سلمت الله يجيرك من الضيم

يازين هاك الوقت لاتذكرونه

خلوه يبقى بالضلوع الملاحيم

قلبٍ على الذكرى يجاوب لحونه

الله من قلبٍ تقل ضاربه سيم

ليا طراله مرتعٍ يدهلونه

قصيدة مشتركة بيني وبين ضيف الله
الصالح