ديوان الشاعر \ نافع الحربي

هذه القصيدة موجهه للشاعر مسلم ابن سرور القصيري مدير قروب نجم الجدي

يامسلم ابن سرور حول على الخاص

رسايلي لها ثلاثين يومي

يابن الرجال اللي مثل. شذرة الماص

اهل الوفى والطيب وأهل السلومي

يفداك خبلٍ للرديات قناص

دايم بغرات الأوادم يلومي

تلقاه باسرار الأجاويد غواص

يجيب علمٍ ماذكرله رسومي

الله يشيله فوق دعامة الشاص

برضٍ بها طيور الكواسر تحومي

نافع مطر

ابطى خويك يابو مشعل علينا

مارسل لنا من مرقب العبد صورة

ان ماقضينا شغلنا. في يدينا

أخذ علينا قاسي الوقت دورة

قام يحدانا الوقت عن مابغينا

وعن مانريد النفس ماهي صبورة

اما لتزم بالأمر ولا مشينا

قدام مزن الوسم يبدي بكوره

ون ماقضينا الواجب اللي علينا

الناس في بعض الأمور معذورة

يما جهمنا والعرب نايمينا

قدام نبت القفر تصحي طيوره

أيام راحت والملا شاهدينا

على جديدٍ محكماتٍ سيوره

نافع مطر

هذا الجبل كتبت عنه موضوع ولا له صورة عندي وكان هذا الجبل بعيد عني قلت للعيال من يجيب لي صورة من هذا الجبل قال ابني ماجد ابو مشعل أنا لي خوي في منطقة القصيم ماهو بعيد عنه فاكلمه والتزم بالأمر ولكن ابطى وتأخر شوي وقلت هذه القصيدة ورد علي ابو مشعل في قصيدة مثلها ونهينا موضوعنا من غير منة احد ولله الحمد

من قصيدة ماجد يقول

لاوالله إلا لزم الأمر فينا

إنما مكنا العود طارت طيوره

الله يساعدنا على مابغينا

ونجّهم ونأخذ لأسود العبد صورة

هذا رد ابني ماجد على قصيدتي السابقة


لا والله ، الا لـزّم الامـر فيـنا

من عقب ما جانا من الناس بَوره

أبشر بصورة كبد منيَة ، يمينا

حلفٍ مغلّظ ، والفعول مخبوره

لايف على الواقـع تحـلّاه عينا

ماهي صقاه الخبل قوقل وعوره

من دون وجهي ماش عذرٍ سمينا

ومن دون ديني قاري القلب سوره

ترى وصـاة الله ،، بالوالديـنــا

حقٍ على طلّاب جنّـات حوره

الجيب بأمرك كان صمّلت ، جينا

راعيه جاهز بالسعة والضرورة

صاحب معالي صدق دنيا و دينا

وان كنت تقبل يا معاليك شوره

قدّام نحضر عرس رجاء حسينا

نبي نصبّح كشرة العبد ، صوره

ماجد بن نافع

رجا حسين من الجماعة

عساك يادار العمودة تسيلين

ويخضر جنابك بالحيا كل عامي

عشنابها يوم المعزة عزيزين

حياتنا تشهد لنا بالتمامي

اما تلقانا مع صفوف المصلين

والا نتاحي للغنم بالثمامي

ذكرتني حلم تلاشى من سنين

لازال بالذكرى عليه السلامي

نمسي ونصبح بالمواجيب وافين

نضراتنا للطيب ولفكر سامي

عشنا بها دور المحبة سعيدين

نمشي على درب الأدب والنضامي

ومدام خلاني تقافو مقفين

اللي عجز واللي طواه الردامي

مالي بها لوهي زهور وبساتين

لا صار ماتافي بغاية مرامي

أنا كريم ومن ربوعٍ كريمين

نبقى على صدر الوسيعة كرامي

نافع مطر