ذكرى الدار

نادتني الذكرى لدارك ومريت=أناظر الأبواب والمس حجرها
بكيت من حسره وانا خارج البيت=ودموع عيني اثقلتني بمطرها
يادار يكفيني بعزك تربيت=كلك سكنتيني وجدي عمرها
ياكم وكم ليلة بسدك تذريت=وياما لعبت قبالها وفي ظهرها
من ريحة الماضي شربت وتقهويت=فنجال ذكرى ماتغير ثمرها
ماقط شكتني يوم عنها تخليت=ولا عاتبت من عاش فيها وهجرها
دخلتها والحال بالي وكبيت=خلفي حضارة زايفه في نظرها
نصيت مجلسنا ومن قلب ونيت=شرها على مثلي اذا ضاع شرها
لولا رجاله ماقريت وتعليت=ولاعشت في بر الحياة وبحرها
ركز المقمع فيه للعز والصيت=باقي على مر السنين وخطرها
تبقى لنا ذكرى لمني تعزويت=وتبقى لمن بعدي توضح خبرها
خرجت وخطايا ثقيلة وعديت=ودي اصورها وجمع صورها
وقفت خارجها ولله صليت=ادعيه يحيها ويرحم بشرها
واقفيت وهاجوسي معها وخطيت=شكري لها بدموع حسي نثرها
لولا غلاها ماتعبت وتعنيت=ذكرى لها بالقلب محدن نكرها
في ضلها قيلت وأخذت وعطبت=يازين فيتها ومنظر شجرها