؟؟؟ مير البلاء أحساس ميت من يعزيبه ؟؟؟

بسم الله الرحمن الرحيم

السلام عليكم ورحمة الله وبركاته








اهديكم هذه القصيدة والتي اتمنى ان تنال اعجابكم وتليق بهذا الملتقى الرائع

ياميت الحس لاتقتل بقايــــا زهــــــــور = عاتب ضميرك عدوك وين تحسيـــــبــه
ياشوق أحترت كيف أبلغك في سطـــور = دام انت معدوم حس ولا انت تدريبــــه
الله أكبر عقب مالك مدارك تثـــــــــور = اليوم عندك شروق الشمس تغريبـــــــه
الآدمي موته أهون من ممات الشعــــور = أنا أشهد أن المشاعر موتها أكبر مصيبه
الميت في غيبته تعزى هله بالحضـــور = مير البلاء أحساس ميت من يعزيبــــــه
عزاك بعض المصايب للأوادم طهــــور = اصبر ولو تقتلك حسناك تعــــــــــــذيبه
وأنا تراني على ماجــــــاك ماني سرور = الله يعلم بنفسي وش مكاسيــــــــــــــــبه
بتركك للي على كل المســـــــاوي غفور = ربٍ رحيمٍ يجيب دعــــــاء مطاليـــــــــبه
سبحانه الواحد المرجع بكل الأمــــــــــور = يأمر وينهى وكلٍ في مكاتيـــــــــــــــــــبه

وللجميع التحية


أخوكم / فهيد النماصي الشمري ( ولد شمر )