ماجور يا اللي عالي الصوت تزعج

27-04-11, 09:19 AM

احد الاصدقاء العزيزين لي والمقربين مني ارسل لي خمسة ابيات وذكر انها لشاعر قديم لايعرف اسمه ولكن بما انها تحاكي شىء ما في نفسه اراد مني الرد والمجارة فكان لهو ذالك وتم الرد
وارجو ان تنال القصيدة المرسلة والمجاراة الاستحسان

رسالة صاحبي

أنا لا بغيت ادله عن اللي مضى وأسج=تنحت بي الدنيا على غير مشهايا
توارد هموم في ضميري تسجه سج=ولاعاد اميز بين صبحي ومسرايا
غدى الجوف منها مثل عد تلجه لج=دلي الروايا فيه ويزيد مشكايا
فلا تنعرف لي يمه وأعتمدها فج=ولاتنعرف لي وجهتن تصلب أخطايا
شبيه الغرير اللي تدرج بمشيته درج=والى من خذيت شوي غيرت ممشايا

ردي على صاحبي الذى ارسل الابيات السابقة

يا مرحبا ملاح برقن تلاعج=مزنن تساوق من جزيل العطايا
احلى من الحالي حليبن مثلج=در البكار ليابس كبد وشفايا
يا صاحبي من قبل تشكي وتحتج=عقلك دليلك بين خافي الزوايا
ماجور يا اللي عالي الصوت تزعج=يا اللي تزايد من عناكم عنايا
الله من قلبن على الجوف يخلج=خلجن يفج الجوف داخل حشايا
رمحن خلج قلبي على ثورة العج=جريح روح فيه صكت سرايا
بحرن تلاطم في ضميري تموج=ماله حدود ولا ذكر له نهايا
صحيت من حلمي وأنا منه مرتج=غابت نجومن وأدلهمت سمايا
يا الله يا اللي تكشف الهم تفرج=همن تعظم بالضلوع الحنايا
يا الله تحفضنا من الدرب الاعوج=وتغفر لي الزلة وتدمح خطايا
وتجعل لنا من غبة الهم مخرج=يا الله لا تخيب رجاه ورجايا
ما بين عتمة ليل والصبح الابلج=لابد ما تنحل اصحب قضايا
لعل قلبك يا ابيض الوجه يبهج=وتفرح قلوبن من رضاهم رضايا
اللي لهم في عالي المجد منهج=أهل المدن واللي سكن بالقرايا