ماهم بليبي وقذافي

بسم الله الرحمن الرحيم
السلامـــ عليكمــ ورحمة وبركاتة
ام محمد نذرت لله ان شافت المليك
يمشي متعافي ان تصوم لله
فانشدت,,,,,,

حلفت ياسيدي لصـــــــــــوم.....
ان جيت طيب ومتعـــــــــــافي

حلفت لصوم مية يــــــــــوم.....
اصومها لربـــــي اضعافــــــي

لعلها صحــــــة وتــــــدوم.....
نقولهـــــا بيـــــــن وخافــــي

يعل حكمـــــك علينا يدوم.....
خيرك على الشعب هتــــافي

وغلاك بقلوبنا مرســــوم.....
مايختفي بيــــن يشـــــافي

شعبك يحبك ماهو مليوم.....
يامغني ايتـــــــام واضعافي

يمنـــــــــاك بالخير دايم دوم.....
وعطـــاك دايــــم يجي وافــي

شعوب على حكمها اتقوم.....
وحنــا على عهدنــا نافـــي

تخشاك كل العرب والروم.....
وانت ذرا كل مــــن خافـــــي

اليا زبن يمك المضلــوم.....
ماتلتحف دونـــة لحــــــافي

نهجك اخذتة من المرحوم.....
بالشرع سيوفـــــــــــاً ارهافي

وسلامتكــــــــــــــــم .......

رد متعب الفهيدي


مهرة امـيـر وفـداك ارخــوم ,,,,,,,,
ويفداك منهو بعد هافي

مهرة امـيـر وعـقـيد القوم ,,,,,,,,,
نايف على الطيب واسنافي

عزالـلـه انـه خطاك الـلـوم ,,,,,,,,
والقلب شاش وبعد صافي

والشعر حــرن بدا بالحوم ,,,,,,
غنيت به واسمـعـي قـافـي

يستـاهل الحـمـد دوم الدوم ,,,,,,
ومهمـا فعـلـنا مـاهـو كافي

والحمد لله على المقسـوم ,,,,,,,,
والحزن بالعـيـن ينـشـافي

من غيبته مانـذوق النـوم ,,,,,,,,,
والجو عقبه ماهو صافي

ندعي له الله وناس تصوم ,,,,,,,,
نور الوطن بعدهم طافي

حكامنا هم ذرى المضيوم ,,,,,,,
هم راسنا وحنا الاطرافي

هم فزعة الدين ..والمحروم ,,,,,,,
هم خيرهم دايمن ضافي

مكه وطيبه حموها قروم ,,,,,,,,,
خدامهـا شـيـوخ واشرافي

واليا دعونا نجي ونــقــوم ,,,,,,,,
بعـدونــا نـسرف اسرافي

قبايــلــن للــوفـــا وســلـوم ,,,,,,,,,
ماهــم بـلــيـبـي وقـذافي

غير القمر ماتفيد انجوم ،،،،،،,,،،
وللشمس نورن ماهو خافي