وده ديار العرب بالخبث يسقيها .,.,.,.,.,.,.,.,’.,.,.,.,.,.,.,صقر المراقيب مع التحية

السلام عليكم ورحمة الله وبركاته

"
"
"
"

بنات الأفكار جتني تلعب الليله=على حروف المثل غنت معانيها
سلام ياصقر مثل البن مع هيله=وسط الدلال اللي لمثلك مزهيها
ياخالد البارق اللي ما نبا نخيله=اللي يميت البلاد اللي نزل فيها
عند الحمد هل ياخالد هماليله =سيل سيول الفتن وأربع بواديها
والسقم في ساسها.. والعلم تفصيله =فاللي ورا البحر يوم النار يحييها
أشعل فتيلة غضب وأشرك محابيله =إبليس عبادة الطاغوت مغوييها
وده نسلم على العمه ونثنيله =ونغير الدين والكعبة نجافييها
دس الخفافيش ..وده يرقب الميله =مايدري إنه في عين الشمس خابيها
مكشوف لعبه هبيله يلعب بذيله=وده ديار العرب بالخبث يسقيها
الأمر شايك ونطلب منك تحليله =ونبغى حلول القضية من قواضيها