لا اقبلتّ ماتقفي مطايا عزومك = ولا اقفيت ماتقبل مطاياك بعزوم
بأهل الوفا ترقى سجايا علومك = وتلقى بهم حسبة مع الوقت وعلوم
وخل علمي يالخوي فمعلومك = ماشي يخفى للبنادم ومعلوم
اليا انتخى طيبك يلبي لزومك= خلك بها بين الرجاجيل ملزوم
ولاشفت فيها من بدالك يلومك = الناقصة يسراك من جابها يلوم
لاتشتكي من ظلم نفسك سلومك = واسلم مع الايام من ظلم مظلوم
وقَصر الامل سكّن بقايا حلومك = ترى الاماني ماتحقق لك حلوم
وبأهل المجامل لو تزايد سهومك =اعلم بهم خيبة رجا تجني سهوم
وبأهل الجمايل لايبان امعدومك = وتمسي بها ناكر وجاحد ومعدوم
ولاتجعل الدنيا شواهق همومك = ماحي فيها عاش خالي من هموم
11-02-11, 02:09 PM
لا اقبلتّ ماتقفي مطايا عزومك
العرض الشجري