ردي على الشاعر الكبير محمد عبدالله جليل الغيداني

هذه قصيدة الشاعر القدير محمد عبدالله جليل

تكفون خلوني أباجلس هنا لحالي= أشوي لين أكتب التقرير وعده
وليا أنتهى برسله بايميل جوالي=للي أفعوله ورثها بوه من جده
أقولها وأفتخر فيها ولابالي= نعم نداء سد من خان الزمن سده
البارحه يا نداء جريت موالي =ورفعت صوتٍ تعدى يانداء حده
من سبة الي تقدمني وتبرالي=وتصد بس انها ما تكثر الصده
المهره اللي لها بيدين خيالي= يرخي لها الحبل تلعب فيه ويشده
ولوطبت السوق ترفع حجمه المالي= سيولة السوق ماتحتاج للمده
هي شيخة الزين بالاول وبالتالي= والي كسبها حضيض ولا حدٍ قده
الله يهن الثنين ويلطف بحالي= لا تصير هجمة إبليه أن جات مرتده

وهذا ردي على قصيدة الشاعر محمدعبدالله

تقريرك اللي كتبته وصل طوالي=وعرفت مضمون مابه وابشر برده
ياشاعرٍ له مقام وعندنا غالي=اللي ليا جات وقت الحاجه نعده
محمد فخر للابو والعم والخالي=معروف بالطيب ابوه وجده وعده
البارحه يامحمد منشرح بالي=بعد قريت البيوت اللي لها نده
كتبت وابدعت لكن زاد غربالي=موضوعك اللي مابين اللين والشده
تشكي هوى اللي ملكها طيّب الفالي=ولابه امل تحتويها لو بعد مده
مير انسها يارفيقي واطلب الوالي=بحر الهوى لايحوشك جزره ومده
لاتعجبك بالجمال وذوقها العالي=وان هز قلبك هواها وقف بضده
هذا هو الراي لو انه يورالي=انك تمثل علينا كارثة جده