والبارق اللي قنوفه تهمل اهمالي

السلام عليكم ورحمة الله وبركاته


من جديدي اليوم

البارق اللي قنوفه تهمل اهمالي = يازين برقه لاناض وجاله اشعاعي
يمطر مثل هاجسن قرّب ولبّالي = ياحي حيّه لو ان الحب لوّاعي
وغنيت له بالهجيني طيّب الفالي = وبيّحت مكنون قلبي له وهو طاعي
لعيون منهو بوسط القلب نزّالي = طيب وراع الوفا لطيب طمّاعي
واخذ سلامي سلامن عذبن وحالي = اعداد ماهل وبله واخضر القاعي
ومعه التحيّه كثر ماتطري بالي = يالقرم ياصاحبي يازين الاطباعي
ياروح روحي وياحالي ويامالي = ليتك دريت انلك بالقلب مرباعي
ان كان قلبك يميل القلب لك مالي = يالي هروجك تشوّق كل الاسماعي
واقلبي اللي لودك صار مدهالي = نلته بطوعي وانا ماني بمطواعي
عزّي من البعد عزّيلك وعزّالي = وعسر الليالي تزيد الروح بوجاعي
يادار والله يا لولا واحد غالي = لارحل عن الدار وفجوج الله اوساعي
من ضيقتن بالحشا والقول والقالي = ولاني موكل بزلاّت البشر ساعي

يادار والله يـا لـولا واحـد غالـي
لارحل عن الدار وفجوج الله اوساعي
من ضقتن بالحشا والقول والقالـي
ولاني موكل بزلاّت البشـر ساعـي


صح لسانك على هالقصيده الجميله العذبه المعبره
بانتظار جديدك الممتع

تحيتي

الله...الله

منيرة الحربي وحرف رااقي
صح السانك اختي وبيض الله وجهك

قصيده رائعه
صح لسانك يالغاليه منيره
ابدعتي وتالقتي
دااام هتميز
احتراااامي

منيره الحربي
سلمها الله



حقيقه انني قلت سابقا واقول انك من افضل الشاعرات هنا وانني بكل قصيده لك اجد شاعرة تلوح بالافق وعندما قلت لو كتبت بنفسية مرتاحه في مرور سابق فاني محق

فهنا يصب الشعر جام شعوره بقالب شعري رائع وقافية متناسقه وجرس موسيقي رائع ومعاني معبره وكلمات وضفت بمكانها مع روعة المفرده وحسن اختيارها هنا تتربع منيره على عرش الشعر النسائي بقتدار..


يـــاروح روحــــي ويـاحـالــي ويـامـالــي
ليـتـك دريــت انـلـك بالـقـلـب مـربـاعـي
ان كـان قلبـك يميـل القلـب لـك مالـي
يالي هروجـك تشـوّق كـل الاسماعـي



مليون صح السانك
وعلا شانك

ولله درررررك


تحيتي وتقديري

	المشاركة الأصلية كتبت بواسطة محمد عبدالله البدراني

	منيره الحربي سلمها الله حقيقه انني قلت سابقا واقول انك من افضل الشاعرات هنا وانني بكل قصيده لك اجد شاعرة تلوح بالافق وعندما قلت لو كتبت بنفسية مرتاحه في مرور سابق فاني محق فهنا يصب الشعر جام شعوره بقالب شعري رائع وقافية متناسقه وجرس موسيقي رائع ومعاني معبره وكلمات وضفت بمكانها مع روعة المفرده وحسن اختيارها هنا تتربع منيره على عرش الشعر النسائي بقتدار.. يـــاروح روحــــي ويـاحـالــي ويـامـالــي ليـتـك دريــت انـلـك بالـقـلـب مـربـاعـي ان كـان قلبـك يميـل القلـب لـك مالـي يالي هروجـك تشـوّق كـل الاسماعـي مليون صح السانك وعلا شانك ولله درررررك تحيتي وتقديري

والله يمحمد لو مارديت اني ابقول اذا ماهي معجبتكم قصيدتي احذفوها شفت من مرها روح وخلاها ماكنه يشوفها


ولاكن الله يجبر في خاطرك جبرت في خاطري والله يجزاك خير ورفعت معنوياتي الله ينصرك على من عاداك


انا مدري وش فيهم كل ماحطيت قصيده لي اهربو عنها حطيت مدح ماعجبهم وحطيت اجتماعيه ماعجبهم وحطيت غزليه ماعجبهم


المره الثانيه ابحط دينيه اغديها تعجبهم


ولاكن الله يجزاك خير يامحمد والله يبيض وجهك الوكاد انك رفعت معنوياتي


والله يامحمد اني تحطمت وقعدت اشك ان قصيدي فيه شي ماهو زين شوشو في مخي

الاخت منيره الحربي قصايدك جميله وانت شاعره
ولاكن اذا اردتي مشاركة الاعضاء في مشاركاتك فلا تختاري مشاركه بعينها وتردي عليها
وتتركي البقيه فانتي بهذا العمل كانك تقولي للجميع لايهمني ماتقولون الذي يهمني هذا الشخص
اول مشاركه وصلتك من الشاعر القدير نداء الغيداني ووصلتك مشاركه ثانيه بعده
وتركتيهم ورديتي على البدراني هذا الاسلوب سيترك مشاركاتك خاليه من المشاركات
هذا مالدي والامر متروك لكي وانتي حره بتصرفاتك

اخي معجب الحربي


انا مانسيتهم ولايمكن انساهم ولهم الحق ولاقصرو وبيض الله وجيههم



ولاكن انا قصدي الاشخاص الذين مرو في هسم الشعر ولاكنهم يشفون قصيدتي وهم كثير يشوفون العنوان ويدرون ان القصيده لي

وهاذي ماهي اول مره تكررت في قصايدي الاوله في نفس الطريقه


والضاهر انهم مايبون قصيدي


وانا اشكرك في مرورك واشكر الاخوان الذين ردو على قصيدتي وبيض الله وجهك وبيض الله وجيههم

صح السانك اختي وبيض الله وجهك

الاخت والشاعره منيره الحربي صح السانك مليون
قصيده جزله وبارك الله فيك
تحياااتي