انــا ... والقحطـــــــــــاني

قضية حب

بين مؤيد ورافض
اضعها امام ناظركم دون حذف اي كلمه منها

والابيات تشرح شئ من واقعها المرفوض

البدع من
القحطاني

البارحه من ضايق الصد ر والــــروح=دق السهر في محجرالعين مسمار
سهرت حتى مطلع الفجر بضــــوح=أجاذب الونات مرات وأمــرار
وأبني من آمالي عمارات وصــروح=وأخذ مع طيوفه وسيرته مشوار
قفى معا زوجه وانا فيه مجروح=لاكن موعدني على الود باصرار
ابو عيون خرس والصوت مبحــوح=وخدن معا (نوره ) يضيعن الانـــوار
وجادلن من فوق الأكتاف مطــــروح=كنه ظلام الليل لا غطى الأشجار
والخصر والردفين ماودي ابـــــــوح=شين يخلي عاقل الناس ينهــــــــار
راع الهوى لو يخفي الود مفضــــوح=يبحث خفاه الشوق ويبيح الأســــرار
ياجرح قلبي فوق مابي من جــــروح=فرقــــــاه سيفـا للمعاليق بـتــــــــار
ماله بتعذيب المخاليق مصـــلوح=إذا رمتهم في محبته الأقــدار
شفني لجـــل عينه أجـــي دوم وأروح=متحملن كل المتاعب والأخطار

الــــــــرد
من خالد بن مبيريك

ياعاشقن في سكت الـــود مســــدوح=لملم جراحك واذكراللــــه بالاسحــار
مالك علي كثر التحاسيف والنـــــوح=ودروب باخرهــــا عراقيل وامـــــرار
واحذرترا خلك علي النقص ويــــروح=كنه سوات الموج واسمـــاك الابحار
لعاب عاشق للتواصيف ومـــدوح=يلعب على قلــــوب المحبين تكـــــــرار
واليا غنج لك كلها ضحك ومزوح=بايع وشاري في الهوا سر وجهار
ماهم قلبه لو راي دمك مسفوح=وجهن جديد يفظلـــه عنـــك بيثار
لو الوفا طبعه مشي درب مبــروح=للي بني بيته وظواه بالدار
ومنتا على قسم المخاليق مسموح=والحر ماينظر لمقسوم الاحرار
هذي نصيحة من تسمى في مسـروح=حربي ربي في حرب في دار الاخيار