محاوره مع الشاعر ابراهيم الجدعاني

البدع من علي حاسن
يـابـراهـيـم والـدنـيــا ذراهـــــا مــســـاوي
والسـوالـيـف لاتـاخــذك مـاعــاد تـجـيـبـك
بعض صحبة عباد الله تجيـب البـلاوي
وانــت لاتظـلـم المقـفـيـن والله حسـيـبـك

الرد ابراهيم الجدعاني

ياعـلـي لاتهـقـوى خــل عـنـك الهـقـاوي
والمسـاء لاقريب(ن)لـي ولا هـو قريبـك
انت خلك من اللي جابها من القهـاوي
وطيبنا ياطويـل العمـر مـن نهـج طيبـك

عــــــلــــــي حــــــاســـــــن


الـبـلـى يـاخـويـي حـــار فــيــه الــمــداوي
مـيـر خــذ ماتهـيـا لــك وقـــدر صحـيـبـك
واعتبرنـي انـا القرقـاح وانــت الـجـلاوي
لايصيبـك مـن الشـكـات شــي لايصيـبـك

ابـراهــيــم الـجـدعــانــي

الـخـلاوي لـــك الله ياصحـيـبـي خـــلاوي
ماشي غير المقدر يابو حاسن يصيبك
انــت نــاوي وانـــا ياصـاحـبـي بـعـدنـاوي
والمراسيـل جتـك وحطـهـا وســط جيـبـك

ابـراهــيــم الـجـدعــانــي

لاتـجـي للجـبـل مـادامـت الـذيـب عــاوي
والـمــراســيــل مـاسـلـمـتـهــا الاطــبــيــبــك
لاتـــــراوي تــرانـــي مـــااحـــب الـــمـــراوي
مـيـر مـاضـن بـعـد الـيـوم تلـقـى ذهيـبـك

صح لسان الشعار ومشكور على النقل يااخ علي حاسن
وتحياتي لك ولك للشاعر براهيم الجدعاني
وتقبل مروري

صحت السنتكم
والله يـعـطـيـكم الـعـافيـــــــــــة

بيض الله وجيهكم