يالتني مديون

أشره على عمري ليا قلت وينك=وأشره على نجم ٍ دعيته ولاجاك
ياشوق قلبي مابه أحدن بزينك=لاتلوم منهو بالقصايد تمناك
ياليتني خاتم بصابع يدينك=يبقى معك دايم تشيله بيسراك
ولا ظلال ٍ دايمن في يمينك=من وين مالديت عينك تعداك
ويالتني مديون ودين دينك=في كل حزه تطرق الباب يمناك
وليا فتحت الباب عيني بعينك=وأقول للك تكفى ترى الطيب مجناك
إي والله إني في حياتي رهينك=جعل السعاده ماتفارق محياك
أنا سيفنه في شواطي حنينك=أصارع أمواج الغلاء وتحداك
أنا عيون ٍ سارحه في جبينك=أنا عيون ٍ تذرف الدمع تبغاك
اللي بقوله ياحبيبي سنينك=لاتاخذك عني ترى ماقدر أنساك
وأن كان شعري مانشد عنك وينك=بعف عنه وأجعل الروح تفداك
أهين منهو فكر أنه يهينك=وأشرهه على وقت ٍ ذبحني بفرقاك