مسلم السامود = ابو خالد

سالم بن ضعيان السامود المخلفي ارسل لي ها القصيده مع واحد وفال قل لابوخالد ينقدها
انا اعرف سالم واثق من نفسه ولاهو باللي ينقد لكن له هدف آخر يبغان اقول اللي بخاطري
واجاريه فقال:.
ــــــــــــــــــ

بالله باهل القصيد اللي تغنونه =تكفون سمعة مجال الشعر صونوها
تحكّموا بالكلام اللي تقولونه = والشعر هيبة حدوده لاتعدوها
وان كان معناه صعب ولاتعرفونه=الافضليه بمعنى صح خلوها
تسمّعوا للرجال اللي يحكمونه =اللي نجوم السما بالعرف وصلوها
الشعر له ناس تشقى فيه وتصونه =وليا لقوا عقدة بالحيل حلّوها
با لعقل والميز ماتجهل بقانونه =ماهم مثل قوم ودوها وجيبوها
اللي ليا ذعذع الطايف يخمونه = بلا معاني قوافي حكي صفوها
مره تعدى الهدف واحيان من دونه=وليا جمعوها عشر قيفان غنوها
ياطيبكم لو مجاله ماتجيبونه =ولاتدبلون الكبود ولاتغثوها
اما الشعر غثّكم والا ثغثونه =نصيحة اللي لياطعتوه خوذوها
وان كان عييتم الناصح تطيعونه =قال المثل شرهة العذرا على ابوها

ــــــــــــــــــــــــــــــ
فجاريت هذ الشاعر بما يايلي:.

سالم ضعيان هاض وجاب مكنونه = وأورد علوم رجال العرف قالوها
ورّد كلام مصيب وطايل كونه = ياهل المعرفه قصيدة سالم اقروها
قصيدة عن كلام الزور مامونه = قول الحقايق عن السامود عدوها
أبيات شعر على معنى وموزونه = أهل المعرفه بفن وذوق صاغوها
غيره على الشعر من ناس يهينونه = أهل هزيلات والجزله توطوها
ليا تكلم واحدهم جاب طبلونه = ودخل على المنتدى ثم قال حطوها
كنه يحاول يذل الشعر ويخونه = وبالمنتدى سوقوها له وقادوها
والمنتدى كل شي مايعافونه = قصايدٍ فيه لابو كلب لا بوها
ليا صار معروف عن غيره يبدونه = لين اختلط هزلها والجزل وعموها
والشعر قاموا يبيعونه ويشرونه = كم من قصيدة بملي البطن باعوها
وناس سرقته وناس تعمي عيونه = وناس ليا شافوا الهزلات غطوها
لكن ياسالم فداك الشعر وجنونه = الناس حتى المباني هد هدوها
ريح ركابك وخل الشعر لعفونه = القافله جا لها ناس تولوها

وسلامتكم

شاعرنا الكبير و القدير/ ابو خالد الفريدي

صح لسانك على هذه المجاراة الاكثر من

رائعة ... و صح لســـان الشاعر/ مسلم

السامود المخلفي.. فـ جميعكم شعــــراء

كبار و يستفيد منكم من يبحث عن الشعر

الحقيقي.

صح لساااااااااااان سالم السامود ابو فايز \\ وصح لساااااااااااانك ياابو خالد


وشكرا لك على هذه المجاراه الرائعه


ابو فايز احد كبار الشعراء باالقبيله


ويستاااااااااااهل


وباالتوفيق

الله يسلمك

كلمات جزلة ووافية من شاااااعر كبير ومتمكن

صح لسااااااااانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

شاعرنا ابو خالد الفريدي

صح لسانك على هذه المجاراة رائعة ...
و صح لســـان الشاعر مسلم السامود المخلفي
لاهنتم

صح لسان الشاعر الكبير ابو فايز / سالم ضعيان السامود المخلفي


وصح لسانك ابو خالد الفريدي


ابيات رائعة بيض الله وجيهكم وسلمتم وغنمتم

حميدان العوفي
عادل المخلفي
شايب عجيب
رابح الجحدلي
سعوديه
ابو ماجد المخلفي
شرفني حضوركم وسعدت بمروركم العطر كلامكم اعتز فيه شكرا لكم جميعا

هجوم لاذع يادافع البلا
صح لسان سالم السامود وصح لسانك يابو خالد
الله يعطيكم العافيه

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\