محاورة بين جابر العماني ومنصور الغيداني

المحاورة بين الشاعرين جابر لافى العمانى ومنصور الغيدانى
البدايه من جابر لافى العماني

(جابر)

هلابك عدد وبل المزون المراديف=ياساس المروة ياعريب الجـدودى
يامنصور ياراع الوفاء والمعاريف=على العز ياصاحب قدحنا الزنودى

(منصور)

يدوم البقاء يامكرم الجار والضيـف=نبا نكتب المعنى وعطنا الـردودى
عن الموتراللى قلت هات التواصيف=ليا صار بديه زين ابا ابذل الجهودي

(جابر)

ليا زانت الطبخة تزين السواليف=وكلاً يابو صالح ابجودة يجـودي
تكاليف يامنصور مامن تكاليـف=وشرطك يابو صالح مكينة اوبودي

(منصور)

علومك تضحك كيف اصدقك ياحنيف=تراها كبيـرة لا تعـداء الحـدودي
غريبه هدوك كيف سويتهـا كيـف=تقتحللـك البينـان مابـه قـيـودي

(جابر)

يسر النظر وقفتة بين المعاطيـف=ولا هو خسارة فيه دفع النقـودي
تركد تراء ماشافت العين ماشيف=وعسا النظرة اللى شافته ماتعودي

(منصور)

اقول ان عقلك فيه رجه وتخريف=تسـوون فعلاً مافعلـه اليهـودي
تلفق كلامك وانت لاعب وحريف=وانا ماني مصدق فلام الهنـودي

وسلمتكم