( هــذا الرجــل يسـتحـق المـدح )

[
/
/
/
/
/
/
/
/
/
/
/
/
/




هذه القصيده ارسلتها إلى ابن العم المهندس / ابراهيم بن عوض ألأحمدي
وكلفت بنقلها ابن العم الاعلامي المعروف والابن البار لقبيلة حرب / دخيل الله بن عايد الاحمدي
والذي يتميّز بالحميّه لربعه
وابشركم تحقق ماطلبت من حين ماوصلت القصيده إلى
ابن العم المهندس / ابراهيم عوض الاحمدي
وهذا ماهو غريب على ابو فراس فهو رجل صاحب مواقف ومشهود له بالخير

دخيل مدّ الساق ياالقرم مدّه=يمّ الاماره شخصك مكلفينه
مبنى علم عنه النظر ماتصدّه=في دور ستّه صاحب ٍ قاصدينه
خطّي كتبته يابن الاجواد ودّه=من يدّك اليمنى يسلّم يمينه
الصاحب اللي تزرع الخير يدّه=شخص ٍ على يمنى امير المدينه
ينبيك طرف العين ساعة تلدّه=على نباه الزين ضحكة جبينه
العلم والحكمه لراسه مخدّه=وتشوف في وجهه رضى والدينه
عذب السجايا كل ربعه تودّه=وحنّا لكربات الزمن ذاخرينه
رجل ٍ كريم معرّب الساس جدّه=واللي يعرفه مايعرف الغبينه
ابو فراس اللي ليا جات شدّه=يبقى لنا حصن ٍ جسوره متينه
هو منهل ٍ للطيب ماجف عدّه=وعسى الفرح دايم يحالف سنينه
حاش المراجل بجتهاده وجدّه=والطايله جاته بنجدة يدينه
هو مزبن اللي وقفوا الناس ضدّه=يضفي على ناصيه ثوب السكينه
عساه مايلقى بوقته مكدّه=ويطول عمره بالمعزه لدينه
قلّه ترى خالد له اسنين عدّه=لاونّ محد ٍ داري ٍ في ونينه
سجين همّه واقف الحض ندّه=وصعب ٍ على السجّان يعفي سجينه
والوقت سيفه قطّع الكبد حدّه=والصبر مابقّى جسور ٍ حصينه
واليا طلب من مثلكم مايردّه= حيثك على ضنّه توافق يقينه
والله لولا الهم ماباح سدّه=واللي يعين الناس ربّه يعينه
هذا جوابي عجّلولي بردّه=حلو الخبر من يمكم ناطرينه
وختم الحكي صلّوا على اللي نعدّه=اطهر بشر مخلوق من خير طينه

الشاعر / خالد بن عبيد بن معتوق ألأحمدي

صح لسانك على هذه القصيدة الجزلة

و الطيب يستاهل المدح

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يعطيك العافيه
بيض الله وجهك

صح لسانك

وبيض الله وجهك

بيض الله وجهك 0000 لا هنت00000

صح الله لسانك ياصقر المراقيب ابداع وجزاله بيض الله وجهك ويستاهل وكفو ابو فراس لهذه الشامخه ورد الثناء من شيم الكرام وابو فراس يستحق من يثني عليه الله يطول بعمرك وعمره على الطاعه والعلوم الغانمه ولاهي غريبه عليه والفزعه والحميه ديدن رجال قبيلتنا العزيزه في كل مكان

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

لاهنت وصح السانك

تقبل التقدير والاحترام

وفقك الله

الأخ الشاعر خالد بن عبيد بن معتوق ألأحمدي

كل التقدير لشاعريتك الفذه

بيض الله وجهك وصح الله السانك

وقصيده رااائعه من روائعك

ويستاهل الأشاده كل من يقف مواقف الرجال

ونعم في الجميع

وكل عام وانتم بخير

تقبل اجمل التحايا

ودمت ودام ابداعك