قصيده مرثيه بالعضيد

31-07-10, 07:50 PM

بسم الله الرحمن الرحيم
قصيده مرثيه بالفقيد مرزوق بن ضافى الحربى (العضيد )الله يرحمه رحمه واسعه ويدخله فسيح جناته انالله وانا اليه راجعون
================================================== =

البارحه والحزن تيمه معديه = بلغ مداه وذروته فى جبينى
علمن وصل جو الفرح معه يلغيه = واصبحت انا للحزن مثل الرهينى
مرزوق مات ودمعه العين تنعيه = ويرثيه قلبن من فراقه حزينى
ابو طلال الله يزين ملافيه= أمين بالجنه مع الساكنبنى
الموت حق وكل نفس(ن)اتلاقيه = ومن جاه يومه مات علمن يقينى
لوهو رحلعنا فلانى بناسيه = ذكراه تبقى لوتطول السنينى
سمح القبال لكل من جاه ناصيه = ويحب جمع الناس فى كل حينى
وجه الرضاءطيب وفاء من مباديه = فيه الحموه شى شفته بعينى
صبره مثل يضرب على اللى يعانيه = مايشتكى للناس فينى وفينى
يقول للزاير ليا جاء يواسيه = هذا قضاء ربى ولازم يجينى
واللى يجى من ربنا الله يحييه = راضين بالمقسوم شينه وزينى
يالله عسى بالصبر يجزى حسانيه = أمين ياعلام خافى الكنينى
ياقبر نازل فيك رجال نغليه = لوهو سكن لحدك بلبنك وطينى
القبر بأذن الله وسيعه نواحيه = ويعطى كتابه يأخذه باليمينى
اعزى اعياله وانا القلب اعزيه = وعنهم اخفٌى عبرتى لاتبينى
عزاى بعده عقب ارجال تحييه = بالذكر عده حى والله يعيينى
= ماجد الشامان =