مجاراه للفارس حجرف الذويبي من الشاعر عبدالله المطيري

19-07-10, 04:06 PM

بهذه الابيات مجاراه من الشاعر عبدالله حبيب المطيري للفارس و للشاعر الكبير حجرف الذويبي والتي اتمنا ان ترتقي لذائقتكم

(ماني بمسكيـنٍ همومـه تشايلـه)=شطرٍ لحجرف قبل لا ابديه قايلـه
يالله يـارازق الذويبـي ومنجـده=من كربةٍ فيهـا تلاشـت وسايلـه
امن بمكتوبك ورزقـك وفزعتـك=من عبرةٍ لاصحاب الالباب هايلـه
جنَدبها صبـره وقـوى عزيمتـه=لـو الحمولـه فالمحاميـل مايلـه
امسى وهمـه للخطاطيـر قوتهـم=واصبح بذودٍ عدته فـي رحايلـه
من مد جـودك ساقهـا ماسعالهـا=وعوَد لربعه ماانثنى عن جمايلـه
يالله لاتفـرِح بنـا شامـت العـدا=لا اوحى بعلمي قال هاذي فعايلـه
مااقسى من الصده عن اللي ينوبني=الا اللذي يطلق السانـه واحايلـه
ماعاد باقٍ لي سوى راس ثروتـي=عزيتهـا والعـز هـاذي دلايلـه
ماارجي من المخلوق مده وفزعتـه=يوم ان غيري من يديهم حصايلـه
امشي على الاقدام حافـي بعزتـي=ولااركب على رنجٍ بما الوجه نايله
على كذا داري وربعـي ومذهبـي=وكـلٍ علـى ماتنتميلـه سلايلـه
نيبـان داري لوتكظنـي تروفنـي=وربعي ولوجارت لها القدر شايلـه
مانيب متمني زمـانٍ كـد انتحـا=والهرج يكفي عن كثيره صمايلـه
يرزقني رزاق الذويبـي ومنجـده=لا اظهر جفا داره ولا اظهر خمايله

وسلامتكم عبدالله حبيب