 |
 |
 |
| روائع شعريه |
| روائع الكسرات |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلــتــقــى الــقــوافــي الإبحار في عالم الشعر |
|
|
أدوات الموضوع | إبحث في الموضوع | انواع عرض الموضوع |
|
|
|
| روائع شعريه |
| روائع الكسرات |
|
|
|
||||||||
|
|
|
||||||||
|
|
|||||||||
|
|
|
||||||||
| مــلــتــقــى الــقــوافــي الإبحار في عالم الشعر |
|
|
أدوات الموضوع | إبحث في الموضوع | انواع عرض الموضوع |
22-05-10, 09:51 PM
|
#1 | |
|
إنتقل إلى رحمة الله تعالى
|
قصيده وردها
هذي قصيده من الارشيف وهي مرسله لصديقي الشاعر فليح ابن عائض وقد رد عليها بابيات تستحق الاشاده وهذه قصيدتي
يالله ياغفار زلات وذنوب =اسالك عفوك يوم زوغات الابصار امين ياعلام الاسرار وغيوب=منك التجيت اليك عن لاهب النار باسمك الاهي مبتد خير مكتوب=قافن نضمته صوغ دورات الافكار قافن اليا من سيق مافيه عذروب=عن مايعيب القول ناقيه تكرار لامن جهز ماقلت ناديت مندوب = حر ولايحتاج توصات بيطار ومما يفوق الوصف نقيت مركوب = اخر تصميم الشرق جاهز للاوعار نوعه تويوتا شاص للدار مجلوب=اخر موديل ولوحته تحت الاصدار قالو خليجي زائد السعر مرغوب=زوده ثلاث يمهن شد الانضار هزاز مكرهن شغلهن رقص رعبوب=يلعب على التقسيم دقات مزمار غرو دقاق العود والخصر مسلوب=لولا ثقل ردفه خطير بالاطيار لونه كما ذود حصل دونهن شوب=شعل بخشم السيف يرعن الاقفار وسم المطارق فوق الاوراك مصلوب=مدها لهن واد الرمه سند واحرار واليا وقف حر على الكف مقضوب = رجليه فجح ومعرض الكف والزار سمع الحساس ومفرز الراس معصوب =قدم الشفق توه على حد الاسفار وسط العروق مشادي المشي مرعوب= خز نفيج ملابط روس الاقعار لحقه ثقيل الصلب والراس مذروب= شاف الوزا واعلن تحديه باصرار واليا مشى بجبال وحزوم وهضوب=نقزة وعول لابطت صم الاصخار رقيبها شم الهوا واعلن هروب=ملس الصفا برجولها تقل مسمار قم يانديبي حرك الجيب بالدوب=وانصا عزيز مكرم الضيف والجار لفليح العائض ترى الخط محسوب=فوق الغلاف نقول دقق بالاسطار لولاك مانتب للمهمات منتوب= ماقلت دوك الخط نصه للاخيار ملفاك دار بابها غير محجوب=عمار يادار على سلم الابرار قوله هلا ومعسل الهرج بعجوب =ملحة ابو بندر اليا جوه زوار تلقى صريم العود للضيف مكبوب=تسبق فناجيل بها بن وبهار مع شفت الفنجال والكبش مقصوب=والعود الازرق دايرن عدة ادوار واليا انتهى الواجب تنادولك وجوب=ربع نقاهم طيب الاصل حضار قدم لهم عذرك ترى منت مغصوب =وان كان شفت فنصها راع الدار عند الموادع عطه ماكنت جيوب=خط مزرف والموده له شعار سلام ماذعذع هو الغرب بسحوب=وعداد مزنن هل هتان الامطار يشد زلال ناقع وسط مربوب=مغروف جم معتلي روس الاطوار الاياوجدي وجد من طاح مقلوب=محشور ولاحوله على الدرب مرار مكسور وصدره ينثر الدم مسكوب=يغيب ويصحى وان صحا ذاق الامرار على عشير يمة الشرق وجنوب=غرو صدفته عند حسكات الاوبار لاهو قريب ولا للاجناب منسوب=دونه رجال تهدي الموت لاعمار انشهد اني ذقت الاعزار والحوب=بعد لقيت مناي راحل عن الدار شدوبه الي وردهم سني وجذوب=ياليت عصر اليوم جاهم بالاخبار رسوم دار فوقها تذري هبوب=اخفت معالم داخل الجوف تذكار هبوب منها روح القلب معطوب=وهلت دموعي فوق الاوجان مدرار عسى السحاب الي مباريقه غروب=يسقى ثراها لين تنبت بالازهار واشوف خل مازها غيره الثوب=يشدى زهر نوار شوفه بالاسحار ولا كما خشف تذير ولاعوب=بين التوأم ومشية الرجال هنصار عليه قلبي منفطر فطرة الكوب=بعد البروده قرطبه ساخن الحار بيني وبينه عشق بالدم مصبوب=دقات قلبي عند طاريه تنهار طالبك اله رد يوسف ليعقوب=شوفة حبيبي راجعٍ عقب الاسفار بعد تعبت وصابني سقم مكروب=عني تنوب وتبحث القفر دوار يامعرب الجدين والساس بحروب=حر مسلسل من سلايل هل الكار عليك مسند وانت لي خير مصحوب=تاقف بعلم ابيض يابيض الوجه بتار علم يورد ظامي العشق للذوب=شهد معتق مطعمه زهر الاسدار وان كان ظرفك حال فالشك مذهوب=ياشاعر صغتم جزيلات الاشعار تمت وصلى الله على خير محبوب=شفيعنا المختارفي يوم الاحشار وهذا رد الشاعر فليح ابن عايض صح لسانه
يالله يافكاك عسرات ونشوب=ياعالم جهر البريه والاسرار يامنزل غيثك على الارض حالوب= يسقي ثراها من عقب جدب وعسار يامنجي عقب المرض عبدك ايوب=يارازق مافي البراري والابحار يارب عن درب يجي فيه ناشوب = جنب خطانا عنه ياوال الاقدار ومن عقب ذا رحبت ترحيب ملهوب=بهاك الغلام الي على الكيدجبار وصلني المندوب عن صاحب ينوب=يامرحبا به عد مابلوطي سار وسلمني المضروف ويقول مطلوب=رده ترى ابنشد عن العلم وش صار وقريت خط جنبه كل ذاروب=هرج اموثق مافيه محقار وجبت القلم ثم ابتدي الهرج بسلوب=اقطف جزيلاته كما قطف الاثمار واسترسلن بنات فكري لهن جوب=صالاًوجالا ثم دقن كما الطار ثم قلت يامندوب لك حق ماجوب =وليا انتهى الشاس اتركه هاك فكسار هذا الذي يطوي مسافات ودروب=والياركبته مانت بالوقت محتار اليا وقف شيخن مقدر ومهيوب=له هيبه بين المواتر ومقدار واليا انطلق حرهواله على خروب=تلابدو يوم اوجسوا قرب الاخطار حول كما صاروخ من فوق مذبوب=من وقعته صلب الوطي ثور وغبار صابت مخاليبه ثلاثه بعاطوب =والخرب الاخر لابط الارض وانهار وليا دنا مرزوز صدره ومقطوب =كنه من الفريس ماضين الاذكار الي يمينه باحمر الدم مخضوب =عديم ساطي وقت الانشاب مغوار استبنتين وهيد المركب ارتوب =ثمانيه سلندر على الجور صبار والون ماتعرفه قلت بيذوب =لو تضربه شمس الضحى راح بعثار ابيض كما ثلج على راس نبنوب =في راس ضلع يشبه بلونه القار واليادبر اصطباته كما ضوح لاهوب =في موخره كن النواوير ظهار شغل ودوك الظرف ياخير منجوب = وسرح عسى مايعترض دربك اشرار يم الجميلي مرسلك عني اتنوب=راع السجايا الطيبه واف الاشبار ومن دله الرسلان والضو مشبوب=عنده خذ الفنجال من ضمن سمار في مجلس مايدخله كل معيوب =مجلس نشاما مادخل فيه ثرثار في دار منهو قلط افطاح وجنوب=كريمن من ناس كريمين واحرار له عاده فيها فلاهو بمغلوب=ماني منافق شفت فعله بالانظار من لابه يوم انها شد وكروب= اركو على اكبود المعادين الاجمار تزهبوا بالعز ياخير مزهوب =ضمن القبايل لهم بالطيب مشوار وياقانص الرمله عسى مابه ذنوب=ياكيف ترمى وانت رامي وصقار وياكيف راح الصيد في وسط داعوب=وحظك عن دروبه تنحابك يسار ويوم ذكرته تزعج الصوت ناحوب=واصبح بعرقك يغلي الدم فوار العلم ياراع الهوا جوف لهبوب =مابين ضلع وشعب والريع مظهار والي جرالك يعتبر شي مشجوب=كبوة حصان وقام من عقب معثار ياصاحبي بالوقت صايب ومصيوب=مر يجيك قبال ومرار ادبار والعشق بلوى وان سطى بالحشى نوب=كم واحد من سبته صابه اضرار ومادام حب المقفيه صار كالوب=ويلعب بقلبك لعب مهره بمضمار لالاتلوم الحض وتقول منكوب=ابشر بفزعة صاحب وافي بار ولابد من عقب المرمن طيب مشروب=وتنبت مرابعها عقب شهب الادهار عبدالله ابنشد ولاضاعت اذهوب=الذاهبه لابد تارد للابيار ويعود الي مودع القلب دالوب=ويشع ليلك في حضوره بالانوار وقلب العنا يصبح بعدهم مطروب=ويصير مابين المحبين مسيار وليا تلاقت بالهوى ارواح وقلوب=غنت لك الورقا على خضر الاشجار والرد جاك وناقص الهرج مشطوب=ومعه التمس عن نقصها منك الاعذار وخمسين بيت جتك منى على اوب=وخلك نبيه وبعض الاحلام غدار واستغفر الله واطلبه دوم واتوب= عن زلت لسان بها اندان وانجار وصلاة ربي عد ماهل ساكوب=وعداد ما بالكون طائر طار وعد الحجر وعداد مارص من طوب= وشيد مبانيها على كل الاقطار على نبي قال قول على صوب = محمد الي معتصم داخل الغار |
|
|
|
|
 |
 |
 |
العرض الشجري