مدري وش اللي فالصدور ؟؟؟؟؟؟؟؟؟؟؟؟؟؟؟؟؟؟؟؟؟؟

مدري وش اللي فالصدور تكنّه أصحاب الصدور = لكن دلايلهم تقول إنّ الصدور متربسا
حاولت أعذره مير يأهل العرف ما هو بمعذور = عيّت معي مشغول وألاّ إنّه مع الزحمه نسا
لن جيت أجازيه احْسَنَهْ واليا أنّي ازرع فأرض بور = ولن جيت أجازيه بسواته قلت يا علّ وعسا
والله يالولا حشمة اللي مسكنه وسط القبور = الشايب اللي مات لكن طيبته ما تنّسا
لأقول منهو صد ماله غير صدّات و دبور = وأنساه ما كنّه سوى صبحاً وجا عقبه مسا
لكن بأعدّيها ما دامه وارده مثل الصدور = ماني محسب له وردّ الكيد من طبع النسا
يا مخلد احترنا وعطنا وش تقول ووش تشور = الوقت ذا ما ينعرف حاله بــ لين ولا قسا
ما عاد يربط عند بعض الناس دم ولا جذور = ولا عاد يعرف ماقفه وأيّ المواني به رسا
صافي زلاله للغريب ومع بني عمه يبور = مدري مراجل زايده و ألاّ قدوده مايسا
لكنّنا نبقى هل الفزعات ما منّا قصور = ما نقول غير الله يشافي كل صدرْ متربسا

وسلامتكم

===@@ حسن الحجيري@@===