محاوره بين العملاقين الراحليين صياف والثبيتي

صياف الحربي
ياسلام الله و دار العز مرفوع علمها ... عقب شعشع نورها والظلم حال العدل دونه
الثبيتي لو اقول اقسم عيونك ماقسمها... والتفت فيه بنظرة حسد ويطير عيونه
مطلق الثبيتي
يحفظ الله الجزيره والشجاع اللي حكمها ... مثل قصر ثابت السيسان واخوانه حصونه
صاحبي صياف ينهبها وياكلها بدمها ... ليتها ماتاصل الحنجور تنشب في سنونه
صياف الحربي
المطيه ماتقاود غير مع رجل خطمها ... لويضيع خطامها من طردها كثرت غبونه
انت اشوفك تفرس الصيده وتاكل من لحمها... والخوي لاضيع القانون قاموايشتمونه
مطلق الثبيتي
المطيه خلها في الدرب لا تكتم نسمها ... واحترص من غضبة الجمال لا يضربك شونه
كل حية سمها في بطنها سديت فمها ... وان لقيت الوعل ابو قرنين اطقه في قرونه
صياف الحربي
اكثر العربان يلزمها وكنه مالزمها ... ثم راح من الزعل يمشي ويقطع من ردونه
انت مثل العقرب اللي تخلع الناس بوحمها... مار جاها قاري شاطر دهنها من دهونه
مطلق الثبيتي
ماعليه من عجوزك كان ماضوت غنمها ... وان زعل صياف جعل اللي وراه يحول دونه
امس يبني عشته في الضلع واليوم يهدمها... والهبايب ماتهبه والطراقي مايجونه
صياف الحربي
الله انه ينصر السنة ويظلم من ظلمها ... والعرب مايطحنون الحب لين يفتشوته
لو تشوف العشه اللي صاحب الخبرة حزمها... فوق الضلع كل ماطاح المطر تثمر غصونه
مطلق الثبيتي
الاشارة فأخر الشارع بصدامه صدمها ... الونيت اللي قديم وكل يوم يوظبونه
المنايا ياوسيع العرف ما يخطي سهمها... مار خلك صالح النيه وعمك لا تخونه
صياف الحربي
القلوب العمي خل الذيب ياكل من شحمها ... والونيت اللي يسوقه صاحبه لاتقربونه
ليت بقعاء تلمس الرمضاء وتاكل من قدمها... وانت يابو راس راسك ماتغيرعن متونه
مطلق الثبيتي
العيون اللي تهل دموعها منهو لطمها ... لو عرفته كان خليت الجماعه يحبسونه
المطيه يوم ريض مشيها محدن نهمها... لو نهمها كان تاصل مطرحن ماتاصلونه
...تحياتي للجميع...

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

اخي الحب الباقي شكري لكـ على هذا المرور العطر والله لايهينك

...تحياتي للجميع...

أرحم الله الشاعرين العملاقين ومشكور على النقل

رحمهم الله جميعا وسلمت يمينك