تركي الشيخ والساهر

تركي

الليل ياالساهر اللي تحسبن السهر = يبري جروح العرب ويشيل من همها
من عاش وسط الحيا ماعاش وسط الدهر = الناس مانيب مادحها ولا اذمها

الساهر

ياتركي الشيخ لا تقرب طريق الخطر = بعض الجروح ان دمت ماينتهي دمها
من عاش في الديره الخضراء لقاها خضر = وبعض البشر مالقا النعمه ولا ضمها

تركي

انكان تبغى الصراحه ياطويل العمر== البنت شابت وهي تبكي ولد اعمها
لد النظر يا عميل الخير لد النظر = لا تقرب الحيه الرقطا ولا سمها

الساهر

البنت يا تركي الظاهر عليها حضر= والعالم المقفيه ما يمسك كمها
مار البلا في رفيق الخير وش ينتظر = البير ما ياصل ارشاها ولا جمها

تركي

اكلت زاد النشاما لاتطش القدر = خل الدسم في يدينك واصبح وشما
انا على العد حبلي ياولد ما قصر = وبعض العرب من ضماها فاتحه فمها

الساهر

الله يعديك ياتركي صدوف الدهر = ويعدل المايله وتزيد وتلمها
احبالنا جيده وحبالي غيري قصر = ياحول ياللي قضى ليله ولا خمها

تركي

رجلك على الشوك والاخرى تدوس الجمر= الشاره اتصيبها واحيانن تزمها
لابد يطلع زمان المهدي المنتظر = تكسر حروف الهجا والا تبا تظمها

الساهر

انته نطحت الصخر وانا غرفت البحر= منته مدور على الأخرى ولا يمها
تبى تعذر ولا كن ما يفيد العذر= حاجتك من يمنا ما والله اتمها

تسلم يمينك

صح الله السنته الشعار

ولاهنت يالحصان على النقل

صحت السنتكم
والله يـعـطـيـكم الـعـافيـــــــــــة
بيض الله وجيهكم