غالب الذيابي وبدر السحيمي

غالب الذيابي:

سلام من شاعر يطول الجزل ويحل العقـد=لاهل الخزامى كاسبين الطيب والعلم الجميل
الوقت خلا الغث له سوق ومحبيـن وبلـد=وقتٍ قنب ذيبه وشيّخ راعي الذيل الطويل

بدر السحيمي

يامرحبا من شاعر(ن) يبني وبنيـه بالعمـد=بصاحب اللي فيه عدل وفيه بعض احيان ميل
والله مانزل سوقها لوكـان تكثـر فالوعـد=لابارك الله فيك ياوقت(ن) مشيخ لك ذليـل

غالب الذيابي

بعض العرب في ساحة الميـدان خلـوه وقعـد=لولا فزوع(ن) جات من عسفان مدري من طفيل
الله يا حامـد يخلـي لـك ولـد عمـك حمـد=على الاقل انه تحلـم يغمـد السيـف الصقيـل

بدر السحيمي

بعض العرب ماينزل الميدان واشوفه شهـد=والى بغى يسير يدور له من اصحابه صميل
اللي تجيب الناقصه تبشر بحبل(ن) من مسد=هذا الحصيل ان كان ودك يالعتيبي بالحصيل

غالب الذيابي

مانته بهاك الفارس المقـدام تـوك فالمهـد=لو حملوك الحمل تبرك في محلك ما تشيـل
الله يمسي مسفرة بالخير لـو هـي فالحـد=خلت من التاريخ علمٍ(ن) ينقله جيلٍ(ن) لجيل

بدر السحيمي

اكثر علوم اهل الهـوى ماتنوخـذ ماتعتمـد=ياكم رجل(ن) نحـده ثـم يعطيهـا المسيـل
جـات الفريسـه لصقرقـدام ميعـاد الهـدد=جاته من اللي يطلم العايل و يعط الضيف حيل

غالب الذيابي

اشوف عزمك عقب هاك الهيلمة ضعف وبـرد=وهذي عوايد من يروغ ان حسه الدرب الطويل
لطامة العايل عطوك دروس ما تعطـى لاحـد=وان ماقعد قلبك بعدهـا فالوكـاد انـك هبيـل

بدر السحيمي

نبا نرد السيف دام الناس هرج بلاجهـد=واخاطب الجاهل واسنده وانحيبه قليـل
اتعبتني واللي زرع زرعه بيبطي ماحصد=لكن سوق السالفه مع غيرنا تلقى قبيـل

غالب الذيابي

انته حدرت مع الشعيب وحظك اقشر وانقرد=وانا رقيت الضلع وانته ليلك المنحوس ليل
الحر الاشقر ستّل جناحة وبالحـوم انفـرد=للصيدة اللي قلبها يرجف ومدمعهـا يسيـل

غالب الذيابي

بدر السحيمي

أبداع رائع

صح لسانيكما

وفقكما الله

صحت السنتكم ياشعار


لاهنت يابدر السحيمي على النقل

	المشاركة الأصلية كتبت بواسطة سعد بن نفاع الجابري

	غالب الذيابي بدر السحيمي أبداع رائع صح لسانيكما وفقكما الله

صح بدنك طال عمرك

حياك الله

	المشاركة الأصلية كتبت بواسطة فهد عواضه المخلفي

	صحت السنتكم ياشعار لاهنت يابدر السحيمي على النقل

صح بدنك

ولاهنت على المرور

صحت السنتكم
والله يـعـطـيـكم الـعـافيـــــــــــة
بيض الله وجيهكم

الحب الباقي

الله يعافيك