حفلنا بتبوك لقبيلة ولد سليم

يامرحبا بلي لفونـا مـن النـاس=من حرب ولا من جميـع القبايـل
ترحيبتاً مثل الجواهـر وللمـاس=وأحلى من السكر بكـل الحمايـل
عني وعن ربعي هل الجود والباس=ولايهون عبد الله حميد الخصايـل
راع الوفاء دايم على العين وراس=ولا الردي ماني عنه يـوم سايـل
واكرر الترحيب من قلب وإحساس=بأهـل المليحا طيبيـن الفعـايـل
قوم ٍ أليا ركبوا على قب الأفـراس=عدوهـم منهـم يشـوف النكايـل
سلا يمه لالبسو الـدرع والطـاس=يثنـون دون معبسـات الشمايـل
أهل كرم ماهي سواليـف هـلاس=وعندي على ماقـول خيرالدلايـل
والله مقدر حصرها بين الأقـواس=فرحه بجمعة طيبيـن الخصايـل
حضوركم ليـه معـزه ونومـاس=به نفتخر يأهل الوفـاء والكمايـل
لو جيت أقيسه ياهل الشان منقاس=بقلوبنا مطبـوع طبـع الرسايـل
وش خانت الدنيا بلا افراح ووناس=يأهل العقول الناضجـه والثقايـل
رجال ماله بين الاجواد مجـلاس=عليـه تصعـب دقهـا والجلايـل
ماله هدف قدام والبـال منحـاس=رايه بـرأي مشطـات الجدايـل
ورجال داس الراي من قبل ينداس=لطيبه يسـرج سبـاق الاصايـل
الطيب له مبدى ومبني على ساس=ماهي سحابة صيف وقت القوايـل
يجلا عنه همه وغمه مـع البـاس=شوف الرجال وذبح لضيف حايـل
ياجاهل الدنيا مثل حـد الأمـواس=تزين يـوم ويـوم فيهـا غلايـل
لو اقبلت وسقتك من حلوها كـاس=تراك فيهـا فـوق جرف ٍ مهايـل
اغنم بها وقتك ترى الوقت حساس=لطيبه والديـن حث الرحايـل
لا تصير مابين الأجاويـد بـلاس=تقرب الكبريـت جنـب الفتايـل
للخيـر ماتعمـل ولشـر مقبـاس=ضاري على شب الفتن والفشايـل
تم الكلام اللـي كتبتـه بقرطـاس=الصـدق مـادورة غيـره بدايـل

عبدالله المذكور بالقصيده هو عبدالله حامد المغذوي العوفي
اصر على المشاركه وهذا ليسى غريب عليه
رجال من الرجال اهل الكرم والطيب وله حضوره في مناسبات حرب عامه بالمنطقه
الله يبيض وجهه راع الوفاء

صح لسانك يا سعد
والله يجعل ايامكم كلها افراح
ولاهنت

	المشاركة الأصلية كتبت بواسطة ابن بصيص (الكخ)

	صح لسان الشاعر والله يجعل ايامكم كلها افراح ولاهنت على النقل

صح بدنك والقصيده من قصايدى وليسى نقل

الأخ العزيز سعد المحمدي بيض الله وجهك
قصيدك كله في منتهى الروعة والجمال
تقبل حضوري المتواضع ولك التقدير والأحترام

شاعرنا الكبير نافع الحربي منك نتعلم
ومرورك شرف لي الله يبيض وجهك

صح لسانك يابو تركي

ودائما وانت سباق للعلم الغانم

تشرفت بطلاعي وتصفحي وتقبل مني اجمل تحية

	المشاركة الأصلية كتبت بواسطة عبدالله الفريدي

	صح لسانك يابو تركي ودائما وانت سباق للعلم الغانم تشرفت بطلاعي وتصفحي وتقبل مني اجمل تحية

الاخ عبدالله الفريدي اسعدني مرورك الله يبيض وجهك
راعي وفاء ياعبدالله

صح لسانك وعاش رأسك ياراع الوفا

جزلة من شاعر جزل بيض الله وجهك ياسعد

اخوي العزيز سعد



بيض الله وجهك ورحم الله والديك


على القصيده الجزله


جزل وراعي وفاء لربعك


عسا الله يوفقك


تقبل مروري وتقديري