ماهر ابو ناب//عبدالله المري

ماهر ابوناب=
الليل يالمري وانا وانته من اهل االطايلات=ماتجهل الحربي وراع الاوله مايجهلك
ان كان وانك تاجرٍ فالصادرة والواردات=هات المعاني والاجابه يوم جيتك واسالك
عبدالله المري=
الاوله مرّه لكنّ الثانيه سكـّـر نبات=وانا اعرف انّ الاوله ماهيب لك ماهيب لك
هات السوال اللي يسلـّـي والعلوم مصلحات=واليا نقصت شويّ يالحربي نجيك ونكملك
ماهر ابو ناب=
حنا كسبنا الاوله يوم السيول الجارفات=يوم السيول الجارفه شالت ذراك وسنبلك
لاولاي يالمري غديتوا للسباع العاديات=يوم السباع العاديه اغارت عليك بتقتلك
عبدالله المري=
انته كسبت الاوله واخبارنا راحت وجات=والسيل دونه سدّ وانته حملتك فوق جملك
ماهمني سبع الخلا وانا سيوفي مرهفات=روّح ولا زلزل ضميري وانت اظنـّـه زلزلك
ماهر ابو ناب=
اخباركم طلعت بقرش الصوت الوفه والميات=لولا الدراهم ياولد مره قعدت فمنزلك
والله مازلزل بلادي وانت دارك فيه بات=وانا طردته وانت لين اليوم ظله ظللك
عبدالله المري=
ان ضاق صدرك من فلان اللي يدوّر للشمات=لاتعترض في طرقته تال الزمان وياكلك
حنـّـا نبى نشكرك ياراع العلوم الماضيات=لو انـّـها ماهي صحيحه وانت تعرف مدهلك
ماهر ابوناب=
انته تحداني وانا خابرك ودك بالشتات=يالموتر اللي ساقه الغربي طفاك وشغلك
تاكل وتشرب بالعمولة فالقبور الفانيات=ماتدري انك مثل طعم البحر للي مرسلك
عبدالله المري=
والله ماودّي بهذا (ف)الليال الاولات=ظلمتني عسى محمد فاللزوم يجملك
مريت طرقي مادريت انّ الشجاري يابسات=عسى الونيت اللي يجيبك للحروب يوصـّـلك

	صحــت السنتكــم دمتم برعاية الله وحفظة

مشكور الله يعطيك العافيه

يعطيكم العافيه

ابوناااااااااااااااااب

والمري

صحت السنتكم
والله يـعـطـيـكم الـعـافيـــــــــــة
بيض الله وجيهكم