طرالي ابن دليم ياحي طاريه - اللواء : عبدالله دليم البدراني

ابو بدر رجل المواقف والمهمات الصعبه لا يعرفني حتى لو قابلني وجه لوجه اتصلت به وعرفته بنفسي وعرضت عليه موضوعي وقام بالواجب المطلوب كعادة ابو بدر بيض الله وجهه من مشرقها الى مغربها

لي حاجةً صعبت وقلت حيلها = وصارت مثل غبة بحرها شواطيه
وقمت اتلفت واتذكر جملها = وطرالي بن دليم ياحي طاريه
رجلن لياقاد السفينه عدلها = والنقع خبه يثبت القول ماضيه
وسبيل قبلي مادحه في مثلها= والطيب كفو المدح رجلن يسويه
والناس بالله ثم بالشهم املها = والى الردي محد (ن) من الناس يرجيه
ولا ينصا لطيبه غير اهلها = وابو بدر منهم وانا جيت ناصيه
ثم قام زيزوم الحمول وبطلها= وبذل بها الحر النداوي مساعيه
حراً جزيلات المعاني شملها = والطيب قدام الرياجل كاسيه
قرم (ن) على شوفه هل الطيب ولها = وحرب العريقه كلها تفتخر فيه
جزلً زجزلاتن فعولً فعلها = ياجعل ربي للقبيله يخليه
ماغر هقوات الرجال وخذلها = من به هق طيبن تعداء هقاويه
تفرحبه اصاحبه والاعداء زعلها = لوهو جبل ما كل ليل (ن) يغطيه
ذا قول من عدل البيوت ارتجلها = وابو بدر حرا يتعب محليه
وصايفه وصفي لها مايصلها = لو طاعني قاف القصيد ومعانيه
مير السموحه مطلبي عن زللها= من مبتدى قيلي لياخر قوافيه