–•(-•،، لاتلف ..ولا تدور ،،•-)•–

السلام عليكم


بعثرة كتبتها علها تعجبكم


–•(-•،، لاتلف ..ولا تدور ،،•-)•–

يازمن بكتب عذابي بين طيّات السطور=من سوالف غربتي ارجوك اخفي مابها
العلم ماهو خرافه عمقها عمق البحور=والا سوالف زايفه الناس تنقل ثوبها
ضقة والله بدنيتي بين فقد وبين جور=لين صارت ونتي ابيات وحرفي صوبها
مابغيت اقول آه وينتشي غيري فخور=الهزيمه وارده وذقت المراره بشربها
للحكي اصناف عده مثلها مثل البخور=إما بخور طيبه والا رديه بريبها
والحذر تنطق كلام فاجر كل الفجور=والحذِر يسلم ترا من مصايب عقبها
قالها مره ابويه..لاتلف ..ولا تدور=ولا تعيش بدنيتك للناس تنبش كربها
وحدك بتبقى ترا وبهالامل ابني قصور=ولاتعاتب صاحبك بعيون منهو يغيبها
واحفظ رفيقك فالحياه للعمر وللقبور=لاتفكر بنقص هالناس وتحصي عيبها
ماظن بهالزمن بتلتقي عطر الزهور=ولا عبير صافي(ن) وماتعكر طيبها

مشهور نافع القليطي