( رساله إلى الشاعر/نداء الغيداني)

/
/
/
/
/
/
/
هذه القصيده مني موجهه
إلى الشاعر القدير/نداء الغيداني
والذي انا معجب بشاعريته
وتعجبني ردوده على الشعراء
حيثه يمتلك وصفة دكتور كما قال اخونا/مضحي بن جمران
...............
واعرف انك يابوسامي مشغول جدا
لكن تحملني الله يعينك لازم تصبر الله بلاك
بخالد بن عبيد وعلى هليل هههههههههههههههه

لا ضيّقت خالد همومه بدنياه=ينخا الصديق اللي فؤاده يوده
هذاك ابو سامي عسى ماعدمناه=قولت نعم في طيبته ماتسده
راعي هلا ماتترك الجود يمناه=والطيب جاله ورث خاله وجده
هيا استمع ياعالي القدر والجاه=صاحبك خالد بيّح الوقت سده
يشكي عليك الحال من هول ماجاه=دنيا العنا لوعاتها مستبده
ثارت عليه الغامها بالمعاناه=يسعى يكافح لكن البخت ضده
من بعد ماوقّف على القاع بخطاه=مسرع وقع في سهلة ٍ مجرهده
خط ٍ يابو سامي كتبته لك اقراه=مرسول جالك منتظر منك رده
فارقت لي مخلوق عجبه حلاياه=بين العرب بالزين مافيه نده
صدفه بلا موعد تلاقيت وياه=شفت العجب مابين عينه وخده
حتى سحرني ببتسامة محياه=غلاه يشبه حب الاتي بجده
مير البلا مخلف عهوده ومبداه=طاوعبي اللي حرضوا له بصده
ومن وضعنا يشمت بي اعداي واعداه=يوم التوتر بيننا زاد حده
وان كان يحسبني مع الوقت بنساه=يبقى غشيم وجاهل ٍ بالموده

الشاعر/ خالد بن عبيد بن معتوق ألأحمدي