رد المدمر عضيب بن هليل على المعجزه عبدالله بن زويبن .. جديد ..

السلام عليكم ورحمة الله وبركاته ..
أحبتي أبناء عمومتي قبيلة حرب حرابة الدول ..
مساء او صباح الخير لكم جميعا ً ..
هاهو الأسد يعاود الزئير
مانقبل العوجا على الحربي تمر
المدمر عضيب بن هليل كما أطلق عليه جمهوره من وأبناء عمومته ..
يصعب وصف هذا العمق الشعري والقدره الهائله على سبك الذهب
بلؤلؤ الكلمه ..
عضيب بن هليل الداهيه ينضم الجزاله بكل معانيها ..
بااختصار شيخنا الفاضل وشاعرنا المغوار حديثه حكمه وكلمته ثمره
وشعره نادر الوجود ..
سأختصر حديثي لأني أقف قزما ً أمام محاولة وصف
شخص عضيب داهية الشعر وأديبه بل إنه يطوع القوافي
وينحت الصخر ليخرج الماء العذب الزلال ..
بكل فخر واعتزاز وأنفه أقدم لكم هذه الملحمه الشعريه
وهي عباره عن رد الشيخ عضيب على قصيدة المعجزه
عبدالله بن زويبن
التي سبق وأن قمت بنشرها ..
رد الداهيه عضيب بن هليل الحربي
على المعجزه عبدالله بن زويبن الحربي ..

بديت باسم اللي على العالم رقيب = محيي الهشيم وميبس العود الخضر
الواحد اللي يلتجيله ما يخيب = علام ما يَـخفى على كل البشر
إلى دعيته وانت مخلص يستجيب = ويا جب على المخلوق يومن بالقدر
الله ولا غيره على الدنيا يثيب= سمّيت بالرحمن وابليس اندحر
الله يآمرنا على القول المصيب = يوم استمر القاف والغايب حضر
يا مرحبا بالجيب من رجل (ن) نجيب = اعداد ما هلت هماليل المطر
واعداد ما يخضر من الوسم الشعيب = وعداد ما يبدي مع الفجر السفر
يا مرحبا حييت من صدر(ن) رحيب = يا اللي عنيت امن اليمامه للحفر
ترحيبة المشتاق من قلب(ن) لبيب = بالزاير اللي خصني دون البشر
أكبر هديه منك يا الشهم الأديب = اهديتنا تاج المعزه والفخر
نجم(ن) لمع لعل نوره ما يغيب = دافع وفا ويدل في بعد النظر
عندي شهادة حق لك قاف(ن) عجيب = لا اوحاه من يكرهك دنق وانقهر
إلى حصل بالمجتمع شد وجذيب = يَسعد صديقك والعدو منك انحشر
يا ابن زويبن ما قفي ما هو غريب = دمي غيور ودافعه قوّ الصطر
أنا اعتزيت بحرب والساس العريب = ما هم خشاش(ن) جمعه قوع الشجر
لا جا نهار(ن) فيه مغلوب وغليب = يسقون وجعان الضمير امن السدر
دون القبيله لا نخاف ولا نهيب = ما نقبل العوجا على الحربي تمر
إخذ الكلام بغير شك ودون ريب = دون القبيله ما يعيش اللي ذخر
بعض الآوادم يلحق السرح العزيب = يسمح لمن ضيّع طريقه ويعبر
لا ما نحينا العوج يطمعنا القريب = ما هي علوم(ن) جابها زيد وعمر
تعرف مواقف حرب باليوم الصعيب = كان النشاما طوّحو بيض الغتر
عوق العنيد إلى حصل يوم(ن) رهيب = قبيلنا معذور لو قيل انتحر
يا ما كسر مركاضهم عظم(ن) صليب = وكم واحد(ن) في ظلهم كسره جبر
من فوق قب(ن) يدبن ّ المستريب = يحرم على من لايعنـّـه ما انتصر
وإن صاح راع الشول وأوما للجنيب = سلّم عقيد القوم واسلم واندمر
ثم كوسرن بأذيالهن مثل العسيب = راجن عليه وراغ قلبه وانبهر
ما فيهن الدنا ولا فيهن هليب = يحتار راع الصنف فيهن وافتكر
إن طاب للزعلان وإلا لا يطيب = عيب(ن)على اللي كلمته ما تعتبر
ما كل من يرمي الهدف رميه يصيب = تحتاج قوّ زنود وضلوع وبصر
في ظلنا تلقا الضعيّف والغريب = يوم السنين اللي بها قل وعسر
وبعض العرب ما له قريب ولا شريب = الحنظل المكروه لو يطلع ثمر
شرحت عن بعض البشر شرح(ن) مريب = لا شك أنا بشرح قليل ومختصر
كل (ن) على ما قيل ربه له حسيب= ترى المذاهب تختلف وأنت الحذر
عليك بالطيّب إلى اخترت الصحيب = رفقة عزيز النفس تجعل لك قدر
من طاب حظه كل ما يفعل يطيب = ومن طاح حظه خف وزنه وانعثر
ترى الردي ما عاد يقضب له قضيب = مثل سراب القيظ والحظ الغبر
اسمع سلمت وكل سايل له مجيب = عسى لك التوفيق مع طول العمر
اقبل تحيّاتي وسامح يالخطيب = شرواك ما نقدر نقدم له عذر
أدراك يا ريف النشاما واستعيب = من كلمة التقصير من قبل النذر
تقدير والتقدير واجب يا الحبيب = يا اكعام خطوان الحقيد إلى زمر
أبيك تفصد ناظر الوجه الغضيب = لا هزّه الشيطان وارسل لك سبر
الحرّ له مضراب في الكف العطيب= يصحا به السكران من بعد السكر
يا بن زويبن كمّلت كلمة عضيب = ولك اجمل التقدير مني والشكر

لن أوفي شاعرنا العلم عضيب بن هليل حقه مهما قلت
وليس لي حديث بعد هذه الملحمه الشعريه التي سأعاود
قرائتها ولن أمل منها مهما قرئتها ..
أطيب الاوقات أيها الأعزاء ..

صح لسان شاعرنا الكبير المدمر عضيب بن هليل الحربي
وبيض الله وجهك يابدر الهبيري وماقصرت

بيض الله وجهك يابدر
قصيده جزله
واعتبره شاعر حرب في عصره من غير قصور بشعراء حرب الباقين

أبيك تفصـد ناظـر الوجـه الغضيـب
لا هزّه الشيطـان وارسـل لـك سبـر


عضيب عضيب



صح السان الشاعر عضيب على هذا الرد الجزل وصح السان بن زويبن

احسنت يابدر وبيض الله وجهك.نعم هكذا الشعر والا بلاش.صح لسان شاعر حرب الكبير على نظمه لهذه الدرّه.ردا على معلقة شاعر حرب معجزة الشعر وقائد القوافى الشاعر الكبير/عبدالله بن زويبن
دائما مساجلات الكبار عالية المستوى لانها تعكس بحق مواهبهم التى صقلتها الخبره وحكمها العقل المنير..

اشكرك من القلب .وتقبل تحياتى

تعرف مواقف حرب باليوم الصعيب = كان النشاما طوّحو بيض الغتر
عوق العنيد إلى حصل يوم(ن) رهيب = قبيلنا معذور لو قيل انتحر
يا ما كسر مركاضهم عظم(ن) صليب = وكم واحد(ن) في ظلهم كسره جبر
من فوق قب(ن) يدبن ّ المستريب = يحرم على من لايعنـّـه ما انتصر
وإن صاح راع الشول وأوما للجنيب = سلّم عقيد القوم واسلم واندمر
ثم كوسرن بأذيالهن مثل العسيب = راجن عليه وراغ قلبه وانبهر
ما فيهن الدنا ولا فيهن هليب = يحتار راع الصنف فيهن وافتكر
إن طاب للزعلان وإلا لا يطيب = عيب(ن)على اللي كلمته ما تعتبر
ما كل من يرمي الهدف رميه يصيب = تحتاج قوّ زنود وضلوع وبصر
في ظلنا تلقا الضعيّف والغريب = يوم السنين اللي بها قل وعسر
وبعض العرب ما له قريب ولا شريب = الحنظل المكروه لو يطلع ثمر

الله الله يابدر الهبيري .. معودنا دائماً ماتجيب إلا الجــزل

و الجزالة غير متسغربة من شاعرنا القدير/ عضيب بن هليل الحربي
و شاعرنا القدير/ عبد الله بن زويبن المعمري الحربي

صح ألسنتهم و بيض الله وجيههم و جعلهم الله ذخراً لقبيلة حرب خاصة و للشعر عامة .. فهم شعراء يستفيد من شعرهم البعيد قبل القريب .

لله دركم يا ابو بدر و يا ابو بندر و بانتظار جزلهم و جديدهم

تعرف مواقف حرب باليوم الصعيب = كان النشاما طوّحو بيض الغتر
عوق العنيد إلى حصل يوم(ن) رهيب = قبيلنا معذور لو قيل انتحر
يا ما كسر مركاضهم عظم(ن) صليب = وكم واحد(ن) في ظلهم كسره جبر
من فوق قب(ن) يدبن ّ المستريب = يحرم على من لايعنـّـه ما انتصر
وإن صاح راع الشول وأوما للجنيب = سلّم عقيد القوم واسلم واندمر
ثم كوسرن بأذيالهن مثل العسيب = راجن عليه وراغ قلبه وانبهر
ما فيهن الدنا ولا فيهن هليب = يحتار راع الصنف فيهن وافتكر
إن طاب للزعلان وإلا لا يطيب = عيب(ن)على اللي كلمته ما تعتبر
ما كل من يرمي الهدف رميه يصيب = تحتاج قوّ زنود وضلوع وبصر
في ظلنا تلقا الضعيّف والغريب = يوم السنين اللي بها قل وعسر
وبعض العرب ما له قريب ولا شريب = الحنظل المكروه لو يطلع ثمر

صح لسان شاعرنا الكبير العلم عضيب بن هليل العلوي الحربي ويستاهل هذا الاطراء شاعرنا الكبير المعجزه العلم عبدالله بن زويبن المعمري الحربي لاعدمناهم سيوقنا الشطيره وسلمت يمينك يابو عيد عى هذا النقل والاختيار
الجزل بيض الله وجهك يابدر الهبيري والله يحفظك ويرعاك

بيض الله وجهك يابدر
وصح لسان الشاعر الكبير عضيب بن هليل الحربي
رد رائع ولا يستغرب الروعة والإبداع على من يملك ناااااااااصية الإبداااااع والتميز ..
،،
،

اخي/ بدر الهبيري
اسمح لي بنقل القصيدة الى ملتقى قصائد و حقائق واقعية