كل شيء يتغيَّر

كلمات جمعتها و طلعت معي كذا:

ما هنا شي(ن) محال= غير تصغير العِمِرْ
دعك من ذات الجمال= و كان ما تدري ف ادرْ
القمر يرجع هلال= بعد ان كان بدرْ
و الجدد تصبح سمال= و الثمر يرجع بذرْ
والحطب رمّد و زال= بعد ان كان سمر
و العرب بعد الدّلال= و صفّها حول الجَمِرْ
ترمسوها بالظّلال = دون أن يبدوا عذرْ
و لو سألت ام العيال= وين ودَّيتوا النِّجِرْ؟
و المبَرَّد وين آل؟= طار من عينه شررْ
و تسألك وش ذا الخبال؟= ليش تكثر بالهذر؟
ناس تتطوَّرْ لعال= و انت تدَّحْدَرْ حَدِرْ!
قلت: يا بنت الحلال= النّعَم تبغى شِكِرْ
و الخنا ما له مِجال= و الكفافْ اهو القَدِرْ
ليش نرمي بالسّلال= ما يغذِّي له بَشَرْ؟
و بعضنا كسبه حلال= و بعضنا حرّ(ن) و شَرّ
و بعضنا مثل الطحال= في الجسم، صايرْ قَبِرْ
كلّ شي من غير سؤال= ياخذه دون حَذَرْ
ما يفكِّر بالعدال= صغْر عمرِهْ أو كَبِرْ
كل ما قالوا تعال= ما يكذِّب في خَبَرْ
في سَهَلْ و الا جبال= في صَحَو و الا مِطَرْ
حافي او لابس نعال= ما يدوِّر له عِذِرْ
و انْ تلَولَسْ بالحبال= قال: ذا و الله قَهَرْ
و صار ما يسوى عقال= و طوله ما ياصل شِبِرْ

الله يالصييفي
تجميع رائع هههههه

صح لسانك
وبيض الله وجهك

رائعة بروعتك يالغلا

لك ودي وفائق احترامي
العبيدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صحححححح لساانك

صح الله لسانك اخوي .. على القصيده

وعساك للقوه...على الكلام الجزل

	المشاركة الأصلية كتبت بواسطة العبيدي

	الله يالصييفي تجميع رائع هههههه صح لسانك وبيض الله وجهك رائعة بروعتك يالغلا لك ودي وفائق احترامي العبيدي

مرحبا بك يالعبيدي

الروعه بحضورك المشرِّف

دمت و دام حضورك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

حياك الله يا الحب الباقي
دائما تواجدك إضافة إيجابية للمشاركة
تحيتي و تقديري لك

	صح الله لسانك ولاهنت وسلم فكرك وبنانك دمت برعاية الله وحفظة

	المشاركة الأصلية كتبت بواسطة عروان

	صحححححح لساانك

صح بدنك يا عرون

لا هنت على حضورك

لا تطول الغيبه

صح لسانك
وبيض الله وجهك