من الارشيف

قم يانديبي بتالي الليل ثم وجه = على الذي دولة الالمان انتاجه
اخر موديل الشبح باالدرب لاوجه= ونهج بدرب(ن)ياحي الله منهاجه
كنه الامن سرا صاروخ (ن)موجه =مع سرعته ماشكا سواقه ازعاجه
منصاه يوم ان سرا باالدرب متوجه =للصاحب اللي لفاني عاقد حجاجه
اللي مثور عليه باالسماء عجه =وكل السبايب بثورتها ولاحاجه
ياهيه هاك الكلام وباالعقل هجه = يوم البحر تصطفق في داخله امواجه
مادام خوتك ماهي خوت الدجه = هرج الردا لاني ولانته بمحتاجه
ومادام مالك على فعل الردا حجه = وشلون ترضى زعل صاحبك واحراجه
ترى الرجل لاحصل له باالزمن رجه = يشوف السليمه الامن جته منعاجه
وان كان نفسك على الابيات محتجه = يامل قلب يسج وفيه دولاجه

.
.
.
.
.

ياوجودي وجد سهران(ن)غفا = عقب عاف النوم زانت نومته
للوليف اللي سحرني واختفا = باع قلبي مرخص(ن)في سومته
ليه يجزاني بصده والجفا = ليه روحي دايمن محرومته
ياسحاب الصيف جوي ماصفا = ودايمن حظي رديه قومته
ياخويي غيض قلبي ماطفا = والعقل ياصاحبي في غومته
بلغه عن حالتي وان مااكتفا = ويل قلب (ن)ماهنا في نومته

.

.
.
..

.

العالم الله وش كثر صرت ولهان =على اللقاء لوانها... نص ساعه
فيها اسولف لك واغني باالالحان =واثبت لك ان الحب ماهو اشاعه
انت الحبيب اللي له القلب شفقان=انت الوليف وشوفتك لي طماعه
لاتاخذك عني صواديف الازمان = وتنسى رفيق(ن)جاير الوقت لاعه
يشكي فراقك ماشكى غيرك انسان = وفرقاك للقلب المولع ضياعه
ياالله عساها تنجلي كل الاحزان = واجلس معك لو انها..... نص ساعه

.
.
.