مجااااااااااره لقصيدة الشاعر والصديق العزيز/شبيب العتيبي

قالو ترى باقي على العيد يومين=عايدتهـا والا بعدهـا بعـيـده
قلت الحقيقه ساكنه وسط هالعيـن=وعلى سكنهـا عنجهيـه فريـده
تلعب على قلبي من العام للحيـن=ياليت بس اعرف وش مستفيـده
تزرع مع الامال فـل ورايحيـن=وتزرع قساوة قلب غصب وعنيده
لكن ابـا عايـد عليهـا ببيتـن=ياجعل عيدك بالحيـاة السعيـده
يسعد صباح العيد في عينك الفين=وعداد ماتطبع حروف الجريـده

=========

حبيت اجاري شعر ناسً محبين=اهل البيوت النادرات الشديده
الشاعر اللي كون البيت تكوين=الله على نظم البيوت الجديده
يابو وعد في عام اللفين وثنين=بآخر شهر عشره روايه اكيده
هلت بشاير حب مابين قلبين=هو صار سيد القلب واصبحت سيده
عشنا حكاية حب تقريب عامين=هو زاد في حبي وانا صرت ازيده
لكن صدوف الوقت قالت على وين=مستانسين بها الحياه السعيده
وحالت صدوف الوقت مابين البين=مافي يدي حيله وهو ويش بيده
لكن بقت بالقلب ذكرى عزيزين=يالله عساه بخير ويعود عيده