ياحرب ياربعي

...إلى أبناء قبيلة حرب العزيزة ...
لقد تأهل شاعرنا زياد بن حجاب إلى الحلقة الاخيرة من شاعر المليون ومثلنا خير تمثيل فهو لم يقصر فلقد أعطى جهده وبقي الجهد الاخر علينا وهو التصويت، فلا تخذلوا ابنكم وشيخكم وشاعركم زياد بن حجاب بن نحيت.
وإليكم هذه الابيات المتواضعة قلتها دعماً لشاعرنا

ياحرب يا ربعي جماعات وأفراد=وياهل الفعول الكايدات العديده
وياهل الحميا يا مطانيخ الاولاد=فزعاتكم تعرف ولاهي جديده
ياحرب ياحرب التواريخ تنعاد=وتاريخنا في كل ليله نعيده
عليا على عليا قديمات وجداد=نرقا سنود وكل خطوة سديده
حاضر وماضي مواريث الاجداد=والعز كنز وكل ساعة نزيده
واليوم يا ربعي ترانا على الماد=والاول وغيره ترى مانريده
والبيرق اللي بالامارات"لزياد"=بأمر الله المعبود ليصير بيده
مدام ربعه حرب ماهمه عناد=حر"ن" مطاليعه رفاع وبعيده
وتكفون ياحرب التواريخ تنعاد=ولحدن يحسّب بالمواقف رصيده