. . . ( قصر الضيــــــــــافه . . . ) . . . !!

مساءكم سكر :
.
.
.

هنا هنا كوَنـت لـي دون تطبيل = جمهور من أهـل الادب والثقافـة !!
وكسبت معرفـة الرجـال المشاكيـل= اللي لهم في سيرة الطيب إضافـة !!
والشعر ديوان العـرب مثـل ماقيـل= والأجمل اللي مايعـرف الكلافـه !!
ولـولا إختـلاف الذائقـة للتماثيـل= تساوت بيوت الذهب .. بالسخافـة !!
مايجتمع عدل القصايـد مـع الميـل= الأول أبقى .. وأكثر الشعر تافـه !!
أغرق بحوره من زمان .. الجهاهيـل= وطبل لهم أصحابهـم بالصحافـه !!
أتعب ورى اللي ودها ينهـك الحيـل= وأقطف نواعمها برفـق ولطافـه !!
حتى الليا مرت سمـوع الرجاجيـل= تحتار . . هي حقيقة ٍ أو خرافـه !!
تفتح لهـا قلـوب النشامـى مداهيـل= تقول معزومة لقصـر الضيافـه !!
وتبقى مع الأجيال جيل ٍ بعـد جيـل= رمز ٍ يورثـه السلـف للخلافـه !!
لعيون من تزهى الذهب والخلاخيـل= اللي لها سعي الخفـوق وطوافـه !!
لو تنقطـع منهـا جميـع المراسيـل= وإلا تطول مع الغيـاب المسافـه !!
باقـي غلاهـا مايبـي أي تعـديـل= صرح ٍ بعيني كل من مـر شافـه !!
والليـا تذكـرت السنيـن المقابيـل= أخذت من بوح الخفـوق إعترافـه !!
كنـه ينشدنـي وأنـا أحـط وأشيـل= بين الصبر والتضحية والحسافـة !!
مايقتـل العشـاق إلا هـاك اللـيـل= ألليا أنتهى عمـر الغـرام بجفافـه !!