هلا مرحبا ترحيب وافى لبو روان

فـارس الحـرف=
هلا مرحبا ترحيب وافى لبو روان=وحرب العزيزه دوم فالمنزل العالى
لفينا لكم وانتم لفيتم لنـا واخـوان=وهذا سلوم الناس فى كل الاحوالى
ابوفياض النويمي=
يدوم البقا تبقون ياطير ياشيهان=ترى ماعليكم زود يالصاحب الغالي
قابلتو قابلنا مثل فرسان فالميدان=نقوله على وضح النقا فاول وتالي
فـارس الحـرف=
انا اتعبت رجلى لجل اخاوى على كحيلان=وعرف النشاما عندنـا روس الاموالـى
انا مشيد المبنـى وجـود لـه السيسـان=واثاري وصوفه كنهـا المـر والحالـى
ابوفياض النويمي=
لعل التعب مخلوف ياشاعر العجمان=وحث المطايا غرب وجنوب وشمالي
كثير العرب يابدر مايعرف البيبـان=لاكنك تصبر عـدت ايـام وليالـي
فـارس الحـرف=
يطيح المطر وتربع البدو بالصمـان=وانا وانت قبل الناس رجلى وخيالى
يعيش الزميل الشاعر النشمى الفهمان=وهذا منى عينى وهـذا هـوا بالـى
ابوفياض النويمي=
لاشفت الربيع الزين لاتخلي المرحان=وربع مع اهل الذود ياطيب الفالي
انا شفتكم ياصاحبي شوف بالاعيان=تصيح وتنادي وانت وسط الخلا الخالي
فـارس الحـرف=
انا ما جهلت السوق والسوق غال اثمان=ابصرف مع التجار بجنيـه وريالـى
ليا صرت ياحربى معى دوم بالسفطان=ابا اشيـل موالـك وبتشيـل موالـى
ابوفياض النويمي=
ترانا نعرف الرابح ونعرف الخسران=مصير البضاعه بين تاجر ودلالي
ترى اللي يعيش ابعز يابدر ماينهان=عسى مايحدك في الزمان اشهب الالي
فـارس الحـرف=
تبور السلع مار الذهب راجح الميزان=علامـك يابـو روان ولا يورالـى
يد الله مع المؤمن ولا يفلح الشيطـان=وروس المعزه ترث اعيال الابطالى
ابوفياض النويمي=
وانا اقول مثلك والسوالف على البرهان=لكن عدل عقالك وانا ثابـت اعقالـي
يقول المثل ماطار طيرٍ بـلا جنحـان=وهذا مثل للي يبى ضـرب الامثالـي
فـارس الحـرف=
انا شفت راعى النوق وده على الشويان=ويرعى مع الشويان ويقـول جمالـى
اثاريك يالحربى خطيب وفصيح اللسان=وتطرى علوم العشـق لدالـه السالـى
ابوفياض النويمي=
الا يابدر ما انته وكيلٍ على العربان = ترى ياوسيع المعرفه للبشر والي
لا شفت العرب عازين يامعزب الضيفان = تنح البيوت اللي لها في واضلالي

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك