الصاحب أللي كنت اباه وهويباني

البارحة طار نومي والحشى كثرت شكاويه=وقلبي يرفرف يريديفرمن بين المحاني
من واحدن كل مالف الشريط وجبت طاريه=قمت اتوجدعلى لاماه ذاك المودماني
وكريم يابارقن يبرق على دارن نزل فيه=الجادل أللي لهافي مهجتي قدرومكاني
ابوجعودن على الامتان ليل ارسى غداريه=غذاه بالعود ودهان الشمطري له دهاني
جدايلن يوم ينسعها تزودفي حلاويه=مثل السفايف ليالوت على كورالعماني
والوجه مثل القمر ليلةخمسطعشرتحليه=عيون تشبه بحجبهازهورالاقحواني
والجسم غصنن لياهب الهوامالت شجاريه=وبدت ثماريه حبن مثل حب البرتقاني
وان هبت الريح من يمه طريح الفرش تشفيه=عطورمتخلطةمابين مسك وزعفراني
عطرثيابه بعطرن من رحيق الوردجانيه=ومن زهرةالفل والكاذي وزهر الضيمراني
وليامشى مثل ظبين لامشى يقصرخطاويه=يمشي يتلفت من العربان خايف مجفلاني
مرت عليه سنين وخاطري ماهوبناسيه=الصاحب أللي من اول كنت اباه وهويباني
واليوم يالله عسى سود الليالي ماتلاقيه=ويعيش مع من كتب ربي وهومبسوط هاني