غنايم ابراهيم السليمي

السلام عليكم ورحمة الله وبركاته
بالبدايه:
احب اعتذر عن هالغيبه والمعذره على القصور.
يقولون بالامثال (من طول الغيبات جاب الغنايم) وانا هالقصيده غنيمتي ولا ادري هي تعتبر غنيمه ولا لا
ههههههه
.
حكم القدر له سيف بالناس بتار
…………….ينصى جميع الخلق قـــاصي و داني
واليوم حكمه ســـــاقني بين الانضار
…………….بين القهر والضيم حـــــــــده رماني
واشلون اداوي حـــــــرة النار بالنار
……………وتشوف عيني طيحتي فــــــي زماني
مــــــرت دقايق عشتها امرار وامرار
……………حتى النفس فيها يعــــــــــد الثواني
اجمع افكاري وتنحـــــــاس الافكار
……………بــــــــس الحقيقه وضعها وضع ثاني
السالفه مـــــــــــاهي مقادير واقدار
……………السالفه كلن برمحــــــــــــــه عداني
تليمو للشر مـــــــــــــن كل الاقطار
……………لين أثبتو طعناتهم بالمحـــــــــــاني
واليوم خطي جاك يـــا ضلع سنجار
……………بالنكبه العضمى يشيل البيانــــــــي
امـــــــــــــا تعدلها وتنزاح الاكدار
……………ولا تمر وتالي العمر فـــــــــــــــاني
وسلامة نواظركم
الشــــــاعر / ابراهيم محمد السليمي