رفقا بعين الغرام الشقية...

ياطير ماعينت غرو على الدرب=تهديه من صوبي سلام وتحيه
اسابقه في وجهة الشرق والغرب=لانه بدربي بين روحه وجيه
وانا بلاي الشارد اللي من السرب=يشل تفكير القلوب البريه
بيني وبينه لعبة البعد والقرب=علة نيوتن قوة الجاذبيه
ياعقرب التوقيت انا خاطري طرب=ليته من السرعه تمهل شويه
واقول وش يعنيلك السلم والحرب=ارفق على عين الغرام الشقيه
اجمعلك القسمه مع الطرح والضرب=واهديك من نبض المشاعر هديه
دام الغلا مايعرفه نافخ الذرب=ينفخ على ذربه لاينفخ عليه
لوكنت انا وياك عن بعضنا غرب=الحب ماله في زمانك هويه
يذبحك حي ويسرق الاكل والشرب=باسباب طيفن بين صبح وعشيه
حبك كربني ياغلا خاطري كرب=مثل قطن عينه تراقب طميه
وان جيت ابنشد قلت يافارج الكرب=تستر على اللي مامشى بالرديه
يكفيني انه يعربي من هل العرب=وانه سكن في وسط نجد العذيه

وسلاااامتكم