يوم الوطن عيد ٍ لفى قبل الاعياد,,,

السلام عليكم ورحمة الله وبركاته
احبتي اسعد الله جميع اوقاتكم .مشاركه اتمنى لها القبول,,,

يوم الوطن عيدٍ لفى قبـل الاعيـاد=يامرحبـا بـه ياهـلا بـه ملاييـن
باللـي يفـرّح خاطـرٍ بالولـع زاد=في حب داره واصبحت كنها العيـن
ومع كل ساعه اصبح الحب يـزداد=ولوبوصفه يبغالي اسنيـن واسنيـن
حب الوطن ساكن كياني وبـه سـاد=من يومني طفل ٍ ولاحـد هالحيـن
حب الوطن موجود فالشرب والزاد=ويجري معى دمّي بوسط الشراييـن
افخر واماري به على روس الاشهاد=ولاظـن احـد بيلومنـي يالمياميـن
لنه وطن ياكـم حقـق مـن امجـاد=بفضل رب البيـت ثـم الكريميـن
آل السعود اللي علـى المجـد رواد=يالله تحفظهـم مـن الشـر والعيـن
واديم نعمـة امننـا فكـل الابعـاد=ويدوم شرع الله لنـا منهـج وديـن
دعوة سعودي مخلص ٍ مابه احقـاد=ويامن سمـع والا قـرا ردد اميـن

تحيتي لكم,,,