( إهداء إلى الشّاعر علي محمد القحطاني)ابو ميسون

ازكـى تحية عِطـرت باطيـب انفـاس=تاصـل يابـن قحطـان مـوقـع بـريـدك
تحمـل عبيـر الـورد مـع كـل نسـنـاس=مـن شاعرٍ مشتـاق يـسمع جـديـدك
وش غيبـك يابـو محمـد عـن الـنّـاس=ناسٍ دفعها الشّوق تسمع قصيدك
ياشاعر ودونـت فـي صُحـف الالمـاس=مـن الـذّهـب شِعرك يخلّد نشيدك
شِعرك يترجم حس مرهوف الأحسـاس=صُغـت المعـانـي لاعِدمـنـا مُفـيدك
وايضاً مـزج للنّـاس حِكمة ونومـاس=دايـــم وجمهورك يـــدوّر مـزيـدك
اسمـك غـدا للشّـعـر معـلـم ونـبـراس=كامل بنوكه فاض فيها رصيدك
مثل البحر عُمقه من الصّعـب ينقـاس=وعن رغبتك ماشي قادِر يحيدك
حتّى الفخر في شخصكم رافع الراس=فـي ساحـة الشُّعّـار شِعرك عضيدك
عساك متهنّي ولاتواجه افــلاس=ويالله عسى ايامـك كما يوم عيدك
واختُم واصلـي عد من زار تكسـاس=على احمد المعصوم سيدي وسيدك

الشاعر/ خالد بن عبيد بن معتوق الأحمدي