صغت المثايل

28-09-06, 10:23 PM

كتبت هذه الابيات وهي آخر ما كتبت وكانت مناسبتها توديع زميل عزيز ومدير فاضل واستقبال زميلا آخر له في ميدان التعليم بصمات مضيئة وبدون مجاملة أفتخر بوجود مثل هؤلاء وتواصلا مني أقدم لكم هذه الابيات المتواضعة

صغت المثايل من رقيق الاحـاسيس= وتنآثرت مثل الزمرد والالمـاس
للي لهم في مركن العـــز تأسيس= تبقى مـآثرهم على اللوح مقباس
ومن ود ياناصـر لك الورد من نيس= هـديةٍ والقاف في سـطر كراس
لا غـاب قـــرناسٍ تجينا قرانيس= ويامرحبا بالطـيب والطيب ينباس
خير الخلف مسفر عظيم النواميس= له فالمحافل وقفةٍ ترفع الراس
رجلٍ مــدَرب في بطـون المتاريس= يذود عن مجدٍ وياطى على البـاس
وحنا مع اللي يرسـم المجـد ويقيس= ولا من عطى فالخير من دون مقياس
نبذل معه كل المســاعي بتكريس= صفوة رجال الطيب من خيرة الناس
مرجع لنا فالعلــم مثل القواميس=وآشـوفهم للعلم هم خير حـراس
ميدان ما هو للرخــوم الدنافيس= اللي من أول شرح تكسر لك الكاس
النفس نفس اللي بوسـط المحابيس= ضاقت وضيقها على ضيق الانفاس
لا جاك يحسبها على السنت والِديس= ولا جيت تحسبها حسبته من أكياس
ضيَع قيمها باختلاف المقاييس= يقتل نوامي جيل من دون احساس
اللي نشوا من تحت يده متاعيس= لو كان فيهم قلب عنتر وجساس
سَلمْ على اللي يحفظ الكنز فالكيس = نِعمَ المربي فغيهب الدرب نبـراس
ينقش حروفه فوق بيض القراطيس= وفالصايبه لاجات ما بين الاقـواس
هذا هو اللي لا بغيته فتدريس = يعطيك من فيض المناهل بلآ ياس
وصلوا على المختار عـد النسانيس= لا ذعذعت مع طلعة الفجربانفاس

وسلامتكم اخوكم / محمد الجحدلي

28-09-06, 10:39 PM

الله الله
صح لسانك
قصيدة متناسقه الكليمات
ممشوقة القوام

صاغها شاعر متمكن
صح لسانك مرة اخرى
وسجلني احدجماهيرك

28-09-06, 10:49 PM


	المشاركة الأصلية كتبت بواسطة عيسى العوفي


	الله الله صح لسانك قصيدة متناسقه الكليمات ممشوقة القوام صاغها شاعر متمكن صح لسانك مرة اخرى وسجلني احدجماهيرك

الشاعر عيسى العوفي
تسلم يالغالي
وما عليك زود
أعتز بك وبإشادتك الصادقة
وتقبل أخي الشاعر عيسى العوفي خالص الود والتقدير

29-09-06, 12:45 AM

الاخ العزيز والرائع دائما

الشااااااااااعر محمد الجحدلي

مبرووووووووك عليك الشهر

وصح لسانك على هكذا شعور

وافي وافي وماقصرت وزميلك يستاهل الوفا وانت راعيه

تسلم يالغالي ولك اجمل تقدير