محاورة ناااااااااااااااااااااااااااااااااادرة (( لشاعر الخليج ))

هذه محاورة لشاعر الخليج / صياف الحربي مع شاعر آخر لا أعرفه
وجدتها في أحد المنتديات و أعجبتني و إن شاء الله تعجبكم

ياساري الليل لاتاقف دقيقه ياكلك سبع الخلا و الليل ساري= اقلط على الذيب في وسط المغاره إما تعشاك و إلا أنته تعشه
لوك تعلمت و اعلومك غميقه و أشوف للخير في وجهك مواري= و أنا عليك ابد أمر من المراره ماني بعودٍ عوج كلن يهشه

ابا اسري الليل و أقول الحقيقة لو كان يطري لسبع الليل طاري= ماني مخلي على نفسي قصاره و أن شفت عودٍ يسد الدرب أحشه
أنا على العلم كاتب لي وثيقه الناس يدرون عنها و أنت داري= خلك كما الحر تكفيه الاشارة لو كان صار السحيمي عود أطشه

لاتنفخ النار و أتسبب حريقه أبعد و خلك مع الخط المباري= النادي اللي على بابه خفاره ماكل من يلعب الكورة يخشه
العلم ماتكسبه بأهون طريقه لو تحتزم بالخناجر و الشباري= ارتاح و الربح أخار من الخساره و أن كان تقدر على البابور مشه

ابا اشعل النار في زرع الحديقه حتى يبين الصحيح من الهذاري= لكن خلك ورى باب العمارة و اللي يغش البشر حنا نغشه
العلم أخذناه باليمنى الطليقه ماهوبديعه و لاجانا عواري= و أنتم تبون المعرفه و التجاره لكن صرتو كما اللي ضاع قشه

طلعت ذاك الكتاب من العليقه و أنته لاكاتب حروف و لا أنت قاري= و الصقر يشهر و يعرف بالصقاره و الطير الاخر يعود وسط عشه
لاتلمس السيف باليمنى الرقيقه تراك ما أنته لحد السيف ظاري= مكتوب في رخصتك سواق طاره و اللي تحصل على دربك تقشه

ماهمني كل صدرٍ فيه ضيقه ترضون بالطيب و إلا بالجباري= كم واحدٍ شاف في رأسه نعاره و إيخاف من نطفة الماء لو ترشه
لاتدوخ الناس ياراع المسيقه و السيف مرهون فالبنك التجاري= و أنا على روسكم مثل الحجارة ابا أظهر الطير من بيته و أنشه