جديدي: ҳ خطى من سراب ҳ

*
*

- مريت صوب اديار غُرب ٍ خلف كذّاب السراب=سبحان من سيّر خطى قلبي على ذيك الدروب
- ما جيت يم الدار أجدد بالخطى أيام الشباب=لكنّ جفن العين عيا لا يكل من النصوب
- الدمع مزن ٍ وابله سيله على الخد انسكاب=كفي دموعك يا عيوني بالثقه ضاعت قلوب
- مرت على قلبي من الأوقات و أيام العذاب=بين الضلوع العوج يا قلبي تصافق بي هبوب
- قمت أتغشى شيلتي أمسح بها دمع المصاب=من حرقة ٍ فالقلب شمس الصبح امست لي غروب
- الغبن لا بانت همومي للعواذل للقراب=يذوب قلب النبض فيني و التعب فيني يذوب
- دقيت باب الصبر عيا ينفتح لي أي باب=أخطيت باب الصبر وأثري يم بابه لي خطوب
- أزريت أبصبر و الصبر للآدمي نبض الصواب=و سمعت صوته من ورى البيبان و اخترت الهروب
- صرح ٍ يغَش بساس حبه كيف ما يصبح خراب=و الله يثبت صرح حبي يالغلا من كل صوب

*
شموخ الحربي
عصية الوجد
*