(( لاباس ياتركي ولابـاس لابـاس= مادام هرج الناس نصفـه جريمـه ))

السلام عليكم ورحمة الله وبركاته
الاخوه الاعزاء
هذه قصيده قديمه لي اتمنى ان تحوز على بعض من اعجابكم وسبق ان نشرت في جريدة المدينه وجريدة الندوه

لابد طول الوقت يكشف لك الناس=ثم تعرف اللي قـام يحـزم بريمـه
الوقت هذا شيب العيـن والـراس=لا اوهني يا اهل الصدور الحليمـه
حامت على صدري ثلاثين هوجاس=راجعت وقتي والسنيـن القديمـه
ياطير ياطير السعد طيـر قرنـاس=شوف السماء ياطير كتمه وغيمـه
والوضع يا ابن الناس بالحيل حساس=واقول حذرا يقفي السيـل ديمـه
احد(ن) ثبت في ماقفه مثل جساس=واحد(ن) على ماقيل ذب الخريمـه
يالله تصبرني على ضيـق الانفـاس=وابعد مكاني عن وجيه(ن) لئيمـه
لاباس ياتركي ولابـاس لابـاس=مادام هرج الناس نصفـه جريمـه

تقبوا تحياتي وتقديري