شيخ الحموه مهل الله سنينه

سلام ياسلم سليم الضغينه=مسلم وأسلم قبل مابدى كلامي
سنة نبياً فضل الله دينه=ومر بها الله كل شخصٍ إسلامي
جيتك بمشتال العنى من جنينه=يقودني قود الجمل بالخطامي
كم جاهلٍ سو التصرف يدينه=وليا طبع شال الثقيل المحامي
سلمتها أبو ذعار سلمت يمينه=معها بداء زامه وأنا انهيت زامي
بعلمٍ مقره بين سمعه وعينه=الشيخ بن بتلاء وفاه التزامي
شيخ الحموه مهل الله سنينه=والمجتهد في ماوجد مايلامي
وجهك يبشر بالسعد والدينه=يوم أوثقوا دونه قفول النظامي
أمسح بها دمع الخلوج الحزينه=حنينها يصحي قلوب النيامي
تقول أنام وقرت العين وينه=وقامت تنب أهل الوفاء بالأسامي
وجوني وأنا جيتك بقلبٍ يقينه=ثقل الجبل يوم الخبر عنك سامي
وذكر الحيا وأهل الوفا صاقلينه=وهداج مالحقت قصاه الظوامي

صح لسانك واحسنت يابوفهد
قصيده رائعه ولاهي غريبه منك انت شاعركبير ومعروف بالشعر الجزل00
وتحب ترد الثناء على اهله00
وابو ذعار يستاهل00
بانتظار جديدك الممتع00

ابو سامي

شكرا على مرورك

ودمت سالم

الشاعر القدير زيد بن مبشر الحصني
بيض الله وجهك وصح لسانك
ويستاهلون الغانمين العلم الغانم
تقبل اجمل التحايا
ودمت بخير

أمسح بها دمع الخلوج الحزينـه=حنينها يصحي قلـوب النيامـي

صح لسانك يااازيد


ابدااع متواااصل

تحيااااتي


لشخصك

الله يطول بعمر الشيخ ابو ذعار


وصح لسانك يابو فهد

صح السانك وبيض الله وجهك ابوفهد من جزل الي جزل الله يعطيك العافيه

الشاعر القدير زيد بن مبشر الحصني
بيض الله وجهك وصح لسانك وعلا شانك
ويستاهلون الغانمين أهل العلم الغانم المدح
الله يطول بعمارهم .

وذكر الحيا وأهل الوفا صاقلينـه = وهداج مالحقت قصاه الظوامـي

صح لسانك الشاعر زيد بن مبشر
وتسلم يدك
على هذه القصيده الجزله

	صح لسانك مليون على القصيده والله يـعـطـيـك الـعـافيـــــــــــة بيض الله وجهك