شي ٍ طراء بالبال والناس لاهين

السلام عليكم ورحمة الله وبركاته

ابيات من جديدي لتواصل معكم

يابنت ضميني سوات المحبين=وانا بضمك والحنان انحرمته
يمكن حنانك ينعش القلب للسنين=والقا على ماقيل شيٍٍ فقدته
لاتحرميني شي فالعسر واللين=واكون لك شاكر وعمري رهنته
بدونك حياتي مالها أي تثمين=زيرو على كل القيم لو حسبته
اخاف من برد الجفاء و قيضه الشين=واخاف من حبك ليا من وجدته
اخاف تتغير جميع القوانين=ويضيع عمري وخالقي ماعبدته
واصير بين الناس تايه ومسكين=لا دين لا دنيا وقبري حفرته
ويوم اتغزل ماذكرت المزايين=قلبي عن الخثرات يابنت صنته
شي ٍ طراء بالبال والناس لاهين=ومعناي في بيت القصيده دفنته
وصورة ملك تشهد لها بين قوسين=رمز الملك لو الملك ماوصلته

وسلامة قلوبكم