محاوره بين محمد المسعودي الهذلي وصياف الحربي رحمه الله

هذه محاورة من الوزن الثقيل جداً جدا
بين الشاعر صياف الحربي رحمه الله و الشاعر محمد المسعودي الهذلي
محمد المسعودي :

مرحبا ترحيبةٍ جات حزتها وجـات... ما أطيب الحاجة ليا جات في حزاتها
والسعد ياحرب يبرى الليال المقبلات... والليالي ماتعلمـك عـن غاراتهـا

صياف الحربي :

بارك الله فيك والباقيات الصالحات... والعرب تسرح وتمرح على نياتها
كل ليلة تسمع الحان فن منوعات... كيف تقدر تكتب النون عند أخواتها

محمد المسعودي:

حسنتك مع سيتك في السجل مسجلات... عارفـاً حسناتهـا عارفـاً سياتهـا
الغناوي مات واللي فقير الجيب مـات ...ضم صوتك كان غنيت ضمن أصواتها

صياف الحربي:

لوتنظرفالأصابع ماهياً متساويـات... تختلف بأطوالها تختلف بصماتهـا
أثر نهر النيل ماهو مثل نهر الفرات... جربت في ذيك الأيام مع جولاتهـا

محمد المسعودي:

لو نعد اللي تجي ماتعدل الرايحـات... أدمي حـي حياتـه حـرم لذاتهـا
والمنازع والخطا مايجيب الأ الشتات... والهدف ترتيب الأرقام في خاناتهـا

صياف الحربي:

زور سوق عكاظ وتشوف سبع معلقات... وأنتبه لاتدخل السـوق مـع مثناتهـا
العيال اللي منـول يخطبـون البنـات... أستراحوا من كـرى وتركـوا لفاتهـا

محمد المسعودي:

قفلوا بيبانها القوم من كل الجهات... والمسافة نصف ليلة على مسراتها
ماتنام العين والقلب ساهر مايبات... سامح الله بعض الأجواد في زلاتها

صياف الحربي:

الحوال مصلحة مار يـا لله الثبـات... لو يشوفون العصى معك قالوا هاتها
الصحافة عذبتيني بعشـر مقابـلات... وزعلت من كلمتي وأعلنت كلماتها

محمد المسعودي:

لو قروا عنها لغة ماقروا كل اللغات... نصف تبهيرة ودلة علـى مقهاتهـا
صورتك بيضاء وعادي يبون ملونات... لون الصورة وتطلع على صفحاتهـا

صياف الحربي:

حط خط وحط فوقه حروف مدورات... وأنكب الصفحة وترتاح من نكباتها
المطار اللي ماتنزل علاه الطايرات... أختلاف الأرض يشهد على خلاتها

محمد المسعودي:

كيف نومن صح وقلوبنـا متخالفـات... وأنت تدعي صبح بالمغفرة لامواتهـا
حصنوها عن طمان الوطا في النايفات... لاتشل مع المغيـرة خطـأ غاراتهـا

صياف الحربي:

مقدر أصلي معك والفتايل وألعات... لوأصليها ألف مرة عدد مراتهـا
الجمال معلقة والخيول مربطات... لو تشرد وحدة تضرب بعلباتهـا

محمد المسعودي:
لو مابيني وبينك يصيـر مكالمـات... ويش يدري نايم القللب عن سا عاتها
انتهت المحاوره

محاوره رايعه

بيض الله وجهك

صحت السنتهم

وبيض الله وجهك

شاكر لكم على مروركم جميعاً

لك مني جزيل الشكر على النقل الجزل وحسن الاختيار ياعزيزي الهذلي محاوره جزله ورائعه ومن الوزن الثقيل الله يرحم الميت ويبقي الحي وهم هكذا الاعلام وهذا قليل من كثير لاهنت يالهذلي سلمت ودمت وتقبل صادق ودي وتقديري

مضحي بن جمران

مرورك شرفني طال عمرك .

تحيااااتي .

محاورة رائعة و مدفونة و هذه عادة شعراء المعنى

رحم الله صياف الحربي و أطال الله في عمر محمد المسعودي

و مشكور يالهذيلي على النقل و دامئاً معودنا على العلوم الطيب

حميدان العوفي

مرورك شرفني طال عمرك .

تحياااااتي .

الهذلي طرح شامخ ورحم اللــــــــه الشاعران

وسلمت يمناك


وتقبل اللـــــه منا ومنكم صالح الاعمال؛؛؛

محاوره ممتازه ومن الوزن الثقيل وناريه ولاهي غريبه علا حرب وهذيل اهله

رحم الله صياف الحربي و أطال الله في عمر محمد المسعودي

و مشكور يالهذيلي على النقل و العلوم الطيبه